Utshovসর্গ 128
128.1
অয়োধ্যাং তু সমালোক্য চিন্তয়ামাস রাঘবঃ ।
চিন্তয়িত্বা হনূমন্তমুবাচ প্লবগোত্তমম্ ।। ৬.১২৮.১ ।।
128.2
জানীহি কচ্চিৎ কুশলী জনো নৃপতিমন্দিরে ।
। ৬.১২৮.২ ।।
128.3
শৃঙ্গিবেরপুরং প্রাপ্য গুহং গহনগোচরম্ ।
নিষাদাধিপতিং ব্রূহি কুশলং বচনান্মম ।। ৬.১২৮.৩ ।।
128.4
শ্রুত্বা তু মাং কুশলিনমরোগং বিগতজ্বরম্ ।
ভবিষ্যতি গুহঃ প্রীতঃ স মমাত্মসমঃ সখা ।। ৬.১২৮.৪ ।।
128.5
অয়োধ্যায়াশ্চ তে মার্গং প্রবৃত্তিং ভরতস্য চ ।
নিবেদয়িষ্যতি প্রীতো নিষাদাধিপতির্গুহঃ ।। ৬.১২৮.৫ ।।
128.6
ভরতস্তু ত্বয়া বাচ্যঃ কুশলং বচনান্মম ।
সিদ্ধার্থং শংস মাং তস্মৈ সভার্যং সহলক্ষ্মণম্ ।। ৬.১২৮.৬ ।।
128.7
হরণং চাপি বৈদেহ্যা রাবণেন বলীয়সা ।
। ৬.১২৮.৭ ।।
128.8
সুগ্রীবেণ চ সংসর্গং বালিনশ্চ বধং রণে ।
মৈথিল্যন্বেষণং চৈব যথা চাধিগতা ত্বয়া ।। ৬.১২৮.৮ ।।
128.9
লঙ্ঘয়িত্বা মহাতোয়মাপগাপতিমব্যয়ম্ ।
উপয়ানং সমুদ্রস্য সাগরস্য চ দর্শনম্ ।। ৬.১২৮.৯ ।।
128.10
যথা চ কারিতঃ সেতূ রাবণশ্চ যথা হতঃ ।
বরদানং মহেন্দ্রেণ ব্রহ্মণা বরুণেন চ ।। ৬.১২৮.১০ ।।
128.11
মহাদেবপ্রসাদাচ্চ পিত্রা মম সমাগমম্ ।
উপয়াতং চ মাং সৌম্য ভরতস্য নিবেদয় ।। ৬.১২৮.১১ ।।
128.12
সহ রাক্ষসরাজেন হরীণাং প্রবরেণ চ ।
। ৬.১২৮.১২ ।।
128.13
এতচ্ছুত্বা যমাকারং ভজতে ভরতস্তদা ।
স চ তে বেদিতব্যঃ স্যাৎ সর্বং যচ্চাপি মাং প্রতি ।। ৬.১২৮.১৩ ।।
128.14
জিত্বা শত্রুগণান্ রামঃ প্রাপ্য চানুত্তমং যশঃ ।
উপয়াতি সমৃদ্ধার্থঃ সহ মিত্রৈর্মহাবলৈঃ ।। ৬.১২৮.১৪ ।।
128.15
জ্ঞেয়াশ্চ সর্বে বৃত্তান্তা ভরতস্যেঙ্গিতানি চ ।
তত্ত্বেন মুখবর্ণেন দৃষ্ট্যা ব্যাভাষণেন চ ।। ৬.১২৮.১৫ ।।
128.16
সর্বকামসমৃদ্ধং হি হস্ত্যশ্বরথসঙ্কুলম্ ।
পিতৃপৈতামহং রাজ্যং কস্য নাবর্তয়েন্মনঃ ।। ৬.১২৮.১৬ ।।
128.17
সঙ্গত্যা ভরতঃ শ্রীমান্ রাজ্যার্থী চেৎ স্বয়ং ভবেৎ ।
প্রশাস্তু বসুধাং কৃত্স্নামখিলাং রঘুনন্দনঃ ।। ৬.১২৮.১৭ ।।
128.18
তস্য বুদ্ধিং চ বিজ্ঞায় ব্যবসায়ং চ বানর ।
যাবন্ন দূরং যাতাঃ স্ম ক্ষিপ্রমাগন্তুমর্হসি ।। ৬.১২৮.১৮ ।।
128.19
ইতি প্রতিসমাদিষ্টো হনুমান্ মারুতাত্মজঃ ।
মানুষং ধারয়ন্ রূপময়োধ্যাং ত্বরিতো যয়ৌ ।। ৬.১২৮.১৯ ।।
128.20
অথোত্পপাত বেগেন হনুমান্ মারুতাত্মজঃ ।
গরুত্মানিব বেগেন জিঘৃক্ষন্ ভুজগোত্তমম্ ।। ৬.১২৮.২০ ।।
128.21
লঙ্ঘয়িত্বা পিতৃপথং ভুজগেন্দ্রালয়ং শুভম্ ।
গঙ্গায়মুনয়োর্মধ্যং সন্নিপাতমতীত্য চ ।শৃঙ্গিবেরপুরং প্রাপ্য গুহমাসাদ্য বীর্যবান্ ।। ৬.১২৮.২১ ।।
128.22
স বাচা শুভয়া হৃষ্টো হনুমানিদমব্রবীৎ ।
। ৬.১২৮.২২ ।।ুনয়োর্মধ্যং সন্নিপাতমতীত্য চ ।সখা তু তব কাকুত্স্থো রামঃ সত্যপরাক্রমঃ ।সহসীতঃ সসৌমিত্রিঃ স ত্বাং কুশলমব্রবীৎ ।। ৬.১২৮.২৩ ।।
128.23
পঞ্চমীমদ্য রজনীমুষিত্বা বচনান্মুনেঃ ।
ভরদ্বাজাভ্যনুজ্ঞাতং দ্রক্ষ্যস্যদ্যৈব রাঘবম্ ।। ৬.১২৮.২৪ ।।
128.24
এবমুক্ত্বা মহাতেজাঃ সম্প্রহৃষ্টতনূরুহঃ ।
উত্পপাত মহাবেগো বেগবানবিচারয়ন্ ।। ৬.১২৮.২৫ ।।
128.25
সো ঽপশ্যদ্রামতীর্থং চ নদীং বালুকিনীং তথা ।
গোমতীং তাং চ সো ঽপশ্যদ্ভীমং সালবনং তথা ।প্রজাশ্চ বহুসাহস্রাঃ স্ফীতান্ জনপদানপি ।। ৬.১২৮.২৬ ।।
128.26
স গত্বা দূরমধ্বানং ত্বরিতঃ কপিকুঞ্জরঃ ।
আসসাদ দ্রুমান্ ফুল্লান্ নন্দিগ্রামসমীপগান্ ।। ৬.১২৮.২৭ ।।
128.27
স্ত্রীভিঃ সপুত্রৈর্বৃদ্ধৈশ্চ রমমাণৈরলঙ্কৃতান্ ।
সুরাধিপস্যোপবনে যথা চৈত্ররথে দ্রুমান্ ।। ৬.১২৮.২৮ ।।
128.28
ক্রোশমাত্রে ত্বয়োধ্যায়াশ্চীরকৃষ্ণাজিনাম্বরম্ ।
দদর্শ ভরতং দীনং কৃশমাশ্রমবাসিনম্ ।। ৬.১২৮.২৯ ।।
128.29
জটিলং মলদিগ্ধাঙ্গং ভ্রাতৃব্যসনকর্শিতম্ ।
ফলমূলাশিনং দান্তং তাপসং ধর্মচারিণম্ ।। ৬.১২৮.৩০ ।।
128.30
সমুন্নতজটাভারং বল্কলাজিনবাসসম্ ।
নিয়তং ভাবিতাত্মানং ব্রহ্মর্ষিসমতেজসম্ ।। ৬.১২৮.৩১ ।।
128.31
পাদুকে তে পুরস্কৃত্য শাসন্তং বৈ বসুন্ধরাম্ ।
চাতুর্বর্ণ্যস্য লোকস্য ত্রাতারং সর্বতো ভয়াৎ ।। ৬.১২৮.৩২ ।।
128.32
উপস্থিতমমাত্যৈশ্চ শুচিভিশ্চ পুরোহিতৈঃ ।
বলমুখ্যৈশ্চ যুক্তৈশ্চ কাষায়াম্বরধারিভিঃ ।। ৬.১২৮.৩৩ ।।
128.33
ন হি তে রাজপুত্রং তং চীরকৃষ্ণাজিনাম্বরম্ ।
পরিভোক্তুং ব্যবস্যন্তি পৌরা বৈ ধর্মবত্সলম্ ।। ৬.১২৮.৩৪ ।।
128.34
তং ধর্মমিব ধর্মজ্ঞং দেহবন্তমিবাপরম্ ।
উবাচ প্রাঞ্জলির্বাক্যং হনুমান্ মরুতাত্মজঃ ।। ৬.১২৮.৩৫ ।।
128.35
বসন্তং দণ্ডকারণ্যে যং ত্বং চীরজটাধরম্ ।
অনুশোচসি কাকুত্স্থং স ত্বাং কুশলমব্রবীৎ ।। ৬.১২৮.৩৬ ।।
128.36
প্রিয়মাখ্যামি তে দেব শোকং ত্যজ সুদারুণম্ ।
অস্মিন্ মুহূর্তে ভ্রাত্রা ত্বং রামেণ সহ সঙ্গতঃ ।। ৬.১২৮.৩৭ ।।
128.37
নিহত্য রাবণং রামঃ প্রতিলভ্য চ মৈথিলীম্ ।
উপয়াতি সমৃদ্ধার্থঃ সহ মিত্রৈর্মহাবলৈঃ ।। ৬.১২৮.৩৮ ।।
128.38
লক্ষ্মণশ্চ মহাতেজা বৈদেহী চ যশস্বিনী ।
সীতা সমগ্রা রামেণ মহেন্দ্রেণ যথা শচী ।। ৬.১২৮.৩৯ ।।
128.39
এবমুক্তো হনুমতা ভরতো ভ্রাতৃবত্সলঃ ।
পপাত সহসা হৃষ্টো হর্ষান্মোহং জগাম হ ।। ৬.১২৮.৪০ ।।
128.40
ততো মুহূর্তাদুত্থায় প্রত্যাশ্বস্য চ রাঘবঃ ।
হনুমন্তমুবাচেদং ভরতঃ প্রিয়বাদিনম্ ।। ৬.১২৮.৪১ ।।
128.41
অশোকজৈঃ প্রীতিময়ৈঃ কপিমালিঙ্গ্য সম্ভ্রমাৎ ।
সিষেচ ভরতঃ শ্রীমান্ বিপুলৈরস্ত্রবিন্দুভিঃ ।। ৬.১২৮.৪২ ।।
128.42
দেবো বা মানুষো বা ত্বমনুক্রোশাদিহাগতঃ ।
প্রিয়াখ্যানস্য তে সৌম্য দদামি ব্রুবতঃ প্রিয়ম্ ।। ৬.১২৮.৪৩ ।।
128.43
গবাং শতসহস্রং চ গ্রামাণাং চ শতং পরম্ ।
সুকুণ্ডলাঃ শুভাচারা ভার্যাঃ কন্যাশ্চ ষোডশ ।। ৬.১২৮.৪৪ ।।
128.44
হেমবর্ণাঃ সুনাসোরূঃ শশিসৌম্যাননাঃ স্ত্রিয়ঃ ।
সর্বাভরণসম্পন্নাঃ সম্পন্নাঃ কুলজাতিভিঃ ।। ৬.১২৮.৪৫ ।।
128.45
নিশম্য রামাগমনং নৃপাত্মজঃ কপিপ্রবীরস্য তদদ্ভুতোপমম্ ।
প্রহর্ষিতো রামদিদৃক্ষয়া ঽভবৎ পুনশ্চ হর্ষাদিদমব্রবীদ্বচঃ ।। ৬.১২৮.৪৬ ।।
128.46
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে অষ্টাবিংশত্যুত্তরশততমঃ সর্গঃ ।
। ১২৮ ।।