Utshovসর্গ 5
5.1
হত্বা তু তম্ ভীম বলম্ বিরাধম্ রাক্ষসম্ বনে ।
ততঃ সীতাম্ পরিষ্বজ্য সমাশ্বাস্য চ বীর্যবান্ ॥৩-৫-১॥
5.2
অব্রবীৎ ভ্রাতরম্ রামো লক্ষ্মণম্ দীপ্ত তেজসম্ ।
কষ্টম্ বনম্ ইদম্ দুর্গম্ ন চ স্মো বন গোচরাঃ ॥৩-৫-২॥
5.3
অভিগচ্ছামহে শীঘ্রম্ শরভঙ্গম্ তপো ধনম্ ।
আশ্রমম্ শরভন্গস্য রাঘবোঽভিজগাম হ ॥৩-৫-৩॥
5.4
তস্য দেব প্রভাবস্য তপসা ভাবিত আত্মনঃ ।
সমীপে শরভংগস্য দদর্শ মহৎ অদ্ভুতম্ ॥৩-৫-৪॥
5.5
বিভ্রাজমানম্ বপুষা সূর্য বৈশ্বানর প্রভম্ ।
রথ প্রবরম্ আরূঢম্ আকাশে বিবুধ অনুগম্ ॥৩-৫-৫॥
5.6
অসংস্পৃশন্তম্ বসুধাম্ দদর্শ বিবুধ ঈশ্বরম্ ।
সংপ্রভ আভরণম্ দেবম্ বিরজো অংবর ধারিণম্ ॥৩-৫-৬॥
5.7
তৎ বিধৈঃ এব বহুভির্ পূজ্যমানম্ মহাত্মভিঃ ।
হরিতৈঃ বাজিভির্ যুক্তম্ অংতরিক্ষ গতম্ রথম্ ॥৩-৫-৭॥
5.8
দদর্শ অদূরতঃ তস্য তরুণ আদিত্য সংনিভম্ ।
পাণ্ডুর অভ্র ঘন প্রখ্যম্ চন্দ্র মণ্ডল সংনিভম্ ॥৩-৫-৮॥
5.9
অপশ্যৎ বিমলম্ ছত্রম্ চিত্র মাল্য উপশোভিতম্ ।
চামর ব্যজনে চ অগ্র্যে রুক্ম দণ্ডে মহাধনে ॥৩-৫-৯॥
5.10
গৃহীতে বর নারীভ্যাম্ ধূয়মানে চ মূর্ধনি ।
গন্ধর্ব অমর সিদ্ধাঃ চ বহবঃ পরম ঋষয়ঃ ॥৩-৫-১০॥
5.11
অন্তরিক্ষ গতম্ দেবম্ গীর্ভির্ অগ্র্যাভির্ ঐডিয়ন্ ।
সহ সংভাষমাণে তু শরভংগেন বাসবে ॥৩-৫-১১॥
5.12
দৃষ্ট্বা শত ক্রতুম্ তত্র রামো লক্ষ্মণম্ অব্রবীৎ ।
রামোঽথ রথম্ উদ্দিশ্য ভ্রাতুর্ দর্শয়ত অদ্ভুতম্ ॥৩-৫-১২॥
5.13
অর্চিষ্মন্তম্ শ্রিয়া জুষ্টম্ অদ্ভুতম্ পশ্য লক্ষ্মণ ।
প্রতপন্তম্ ইব আদিত্যম্ অন্তরিক্ষ গতম্ রথম্ ॥৩-৫-১৩॥
5.14
যে হয়াঃ পুরু হূতস্য পুরা শক্রস্য নঃ শ্রুতাঃ ।
অন্তরিক্ষ গতা দিব্যাঃ তে ইমে হরয়ো ধ্রুবম্ ॥৩-৫-১৪॥
5.15
ইমে চ পুরুষ ব্যাঘ্র যে তিষ্ঠন্তি অভিতঃ দিশম্ ।
শতম্ শতম্ কুণ্ডলিনো যুবানঃ খড্গ পাণয়ঃ ॥৩-৫-১৫॥
5.16
বিস্তীর্ণ বিপুল উরস্কাঃ পরিঘায়ত বাহবঃ ।
শোণাংশু বসনাঃ সর্বে ব্যাঘ্র ইব দুরাসদাঃ ॥৩-৫-১৬॥
5.17
উরো দেশেষু সর্বেষাম্ হারা জ্বলন সংনিভাঃ ।
রূপম্ বিভ্রতি সৌমিত্রে পংচ বিংশতি বার্ষিকম্ ॥৩-৫-১৭॥
5.18
এতদ্ধি কিল দেবানাম্ বয়ো ভবতি নিত্যদা ।
যথা ইমে পুরুষ ব্যাঘ্রা দৃশ্যন্তে প্রিয় দর্শনাঃ ॥৩-৫-১৮॥
5.19
ইহ এব সহ বৈদেহ্যা মুহূর্তম্ তিষ্ঠ লক্ষ্মণ ।
যাবৎ জানামি অহম্ ব্যক্তম্ ক এষ দ্যুতিমান্ রথে ॥৩-৫-১৯॥
5.20
তম্ এবম্ উক্ত্বা সৌমিত্রিম্ ইহ এব স্থীয়তাম্ ইতি ।
অভিচক্রাম কাকুত্স্থঃ শরভংগ আশ্রমম্ প্রতি ॥৩-৫-২০॥
5.21
ততঃ সমভিগচ্ছন্তম্ প্রেক্ষ্য রামম্ শচী পতিঃ ।
শরভংগম্ অনুজ্ঞাপ্য বিবুধান্ ইদম্ অব্রবীৎ ॥৩-৫-২১॥
5.22
ইহ উপয়াতি অসৌ রামো যাবন্ মাম্ ন অভিভাষতে ।
নিষ্ঠাম্ নয়ত তাবৎ তু ততো মা দ্রষ্টুম্ অর্হতি ॥৩-৫-২২॥
5.23
জিতবন্তম্ কৃতার্থম্ হি তদা অহম্ অচিরাদ্ ইমম্ ।
কর্ম হি অনেন কর্তব্যম্ মহৎ অন্যৈঃ সুদুষ্করম্ ॥৩-৫-২৩॥
5.24
অথ বজ্রী তম্ আমংত্র্য মানয়িত্বা চ তাপসম্ ।
রথেন হয় যুক্তেন যয়ৌ দিবম্ অরিন্দমঃ ॥৩-৫-২৪॥
5.25
প্রয়াতে তু সহস্রাক্ষে রাঘবঃ সপরিচ্ছদঃ ।
অগ্নি হোত্রম্ উপাসীনম্ শরভংগম্ উপাগমৎ ॥৩-৫-২৫॥
5.26
তস্য পাদৌ চ সংগৃহ্য রামঃ সীতা চ লক্ষ্মণঃ ।
নিষেদুঃ তদ্ অনুজ্ঞাতা লব্ধ বাসা নিমংত্রিতাঃ ॥৩-৫-২৬॥
5.27
ততঃ শক্র উপয়ানম্ তু পর্যপৃচ্ছত রাঘবঃ ।
শরভংগঃ চ তৎ সর্বম্ রাঘবায় ন্যবেদয়ৎ ॥৩-৫-২৭॥
5.28
মাম্ এষ বরদো রাম ব্রহ্ম লোকম্ নিনীষতি ।
জিতম্ উগ্রেণ তপসা দুষ্প্রাপম্ অকৃত আত্মভিঃ ॥৩-৫-২৮॥
5.29
অহম্ জ্ঞাত্বা নর ব্যাঘ্র বর্তমানম্ অদূরতঃ ।
ব্রহ্ম লোকম্ ন গচ্ছামি ত্বাম্ অদৃষ্ট্বা প্রিয় অতিথিম্ ॥৩-৫-২৯॥
5.30
ত্বয়া অহম্ পুরুষব্যাঘ্র ধার্মিকেণ মহত্মনাঅ ।
সমাগম্য গমিষ্যামি ত্রিদিবম্ চ অবরম্ পরম্ ॥৩-৫-৩০॥
5.31
অক্ষয়া নর শার্দূল জিতালোকা ময়া শুভাঃ ।
ব্রাহ্ম্যাঃ চ নাক পৃষ্ঠ্যাঃ চ প্রতিগৃহ্ণীষ্ব মামকান্ ॥৩-৫-৩১॥
5.32
এবম্ উক্তো নরব্যাঘ্রঃ সর্ব শাস্ত্র বিশারদঃ ।
ঋষিণা শরভংগেন রাঘবো বাক্যম্ অব্রবীৎ ॥৩-৫-৩২॥
5.33
অহম্ এব আহরিষ্যামি সর্বান্ লোকান্ মহামুনে ।
আবাসম্ তু অহম্ ইচ্ছামি প্রদিষ্টম্ ইহ কাননে ॥৩-৫-৩৩॥
5.34
রাঘবেণ এবম্ উক্তঃ তু শক্র তুল্য বলেন বৈ ।
শরভংগো মহাপ্রাজ্ঞঃ পুনর্ এব অব্রবীৎ বচঃ ॥৩-৫-৩৪॥
5.35
ইহ রাম মহাতেজাঃ সুতীক্ষ্ণো নম ধার্মিকঃ ।
বসতি অরণ্যে নিয়তঃ স তে শ্রেয়ো বিধাস্যতি ॥৩-৫-৩৫॥
5.36
সুতীক্ষ্ণম্ অভিগচ্ছ ত্বম্ শুচৌ দেশে তপস্বিনম্ ।
রমণীয়ে বনোদ্দেশে স তে বাসম্ বিধাস্যতি ॥৩-৫-৩৬॥
5.37
ইমাম্ মন্দাকিনীম্ রাম প্রতিস্রোতম্ অনুব্রজ ।
নদীম্ পুষ্পোডুপ বহাম্ ততঃ তত্র গমিষ্যসি ॥৩-৫-৩৭॥
5.38
এষ পন্থা নরব্যাঘ্র মুহূর্তম্ পশ্য তাত মাম্ ।
যাবৎ জহামি গাত্রাণি জীর্ণাম্ ত্বচম্ ইব উরগঃ ॥৩-৫-৩৮॥
5.39
ততো অগ্নিম্ সু সমাধায় হুত্বা চ আজ্যেন মংত্রবিৎ ।
শরভংগো মহাতেজাঃ প্রবিবেশ হুতাশনম্ ॥৩-৫-৩৯॥
5.40
তস্য রোমাণি কেশাম্ চ তদা বহ্নিঃ মহাত্মনঃ ।
জীর্ণম্ ত্বচম্ তদ্ অস্থীনি যৎ চ মাংসম্ চ শোণিতম্ ॥৩-৫-৪০॥
5.41
স চ পাবক সংকাশঃ কুমারঃ সমপদ্যত ।
উত্থায় অগ্নিচয়াৎ তস্মাৎ শরভংগো ব্যরোচত ॥৩-৫-৪১॥
5.42
স লোকান্ আহিতাগ্নীনাম্ ঋষীণাম্ চ মহাত্মনাম্ ।
দেবানাম্ চ ব্যতিক্রম্য ব্রহ্ম লোকম্ ব্যরোহত ॥৩-৫-৪২॥
5.43
স পুণ্য কর্মা ভুবনে দ্বিজর্ষভঃপিতামহম্ সানুচরম্ দদর্শ হ ।
পিতামহঃ চ অপি সমীক্ষ্য তম্ দ্বিজম্ননন্দ সুস্বাগতম্ ইতি উবাচ হ ॥৩-৫-৪৩॥