Utshovসর্গ 88
88.1
তৎ শ্রুত্বা নিপুণম্ সর্বম্ ভরতঃ সহ মন্ত্রিভিঃ ।
ইন্গুদী মূলম্ আগম্য রাম শয্যাম্ অবেক্ষ্য তাম্ ॥২-৮৮-১॥
88.2
অব্রবীদ্ জননীঃ সর্বা ইহ তেন মহাত্মনা ।
শর্বরী শয়িতা ভূমাউ ইদম্ অস্য বিমর্দিতম্ ॥২-৮৮-২॥
88.3
মহা ভাগ কুলীনেন মহা ভাগেন ধীমতা ।
জাতো দশরথেন ঊর্ব্যাম্ ন রামঃ স্বপ্তুম্ অর্হতি ॥২-৮৮-৩॥
88.4
অজিন উত্তর সম্স্তীর্ণে বর আস্তরণ সম্চয়ে ।
শয়িত্বা পুরুষ ব্যাঘ্রঃ কথম্ শেতে মহী তলে ॥২-৮৮-৪॥
88.5
প্রাসাদ অগ্র বিমানেষু বলভীষু চ সর্বদা ।
হৈম রাজত ভৌমেষু বর আস্ত্ররণ শালিষু ॥২-৮৮-৫॥
88.6
পুষ্প সম্চয় চিত্রেষু চন্দন অগরু গন্ধিষু ।
পাণ্ডুর অভ্র প্রকাশেষু শুক সম্ঘ রুতেষু চ ॥২-৮৮-৬॥
88.7
প্রাসাদবরবর্যেষু শীতবত্সু সুগন্ধিষু ।
উষিত্বা মেরুকল্পেষু কৃতকাম্চনভিত্তিষু ॥২-৮৮-৭॥
88.8
গীত বাদিত্র নির্ঘোষৈর্ বর আভরণ নিহ্স্বনৈঃ ।
মৃদন্গ বর শব্দৈঃ চ সততম্ প্রতিবোধিতঃ ॥২-৮৮-৮॥
88.9
বন্দিভির্ বন্দিতঃ কালে বহুভিঃ সূত মাগধৈঃ ।
গাথাভির্ অনুরূপাভিঃ স্তুতিভিঃ চ পরম্তপঃ ॥২-৮৮-৯॥
88.10
অশ্রদ্ধেয়ম্ ইদম্ লোকে ন সত্যম্ প্রতিভাতি মা ।
মুহ্যতে খলু মে ভাবঃ স্বপ্নো অয়ম্ ইতি মে মতিঃ ॥২-৮৮-১০॥
88.11
ন নূনম্ দৈবতম্ কিম্চিৎ কালেন বলবত্তরম্ ।
যত্র দাশরথী রামো ভূমাউ এবম্ শয়ীত সঃ ॥২-৮৮-১১॥
88.12
বিদেহ রাজস্য সুতা সীতা চ প্রিয় দর্শনা ।
দয়িতা শয়িতা ভূমৌ স্নুষা দশরথস্য চ ॥২-৮৮-১২॥
88.13
ইয়ম্ শয্যা মম ভ্রাতুর্ ইদম্ হি পরিবর্তিতম্ ।
স্থণ্ডিলে কঠিনে সর্বম্ গাত্রৈর্ বিমৃদিতম্ তৃণম্ ॥২-৮৮-১৩॥
88.14
মন্যে সাভরণা সুপ্তা সীতা অস্মিন্ শয়নে তদা ।
তত্র তত্র হি দৃশ্যন্তে সক্তাঃ কনক বিন্দবঃ ॥২-৮৮-১৪॥
88.15
উত্তরীয়ম্ ইহ আসক্তম্ সুব্যক্তম্ সীতয়া তদা ।
তথা হ্য্ এতে প্রকাশন্তে সক্তাঃ কৌশেয় তন্তবঃ ॥২-৮৮-১৫॥
88.16
মন্যে ভর্তুঃ সুখা শয্যা যেন বালা তপস্বিনী ।
সুকুমারী সতী দুহ্খম্ ন বিজানাতি মৈথিলী ॥২-৮৮-১৬॥
88.17
হা হন্তাস্মি নৃশম্সোঽহম্ যত্সভার্যঃ কৃতেমম ।
ঈদৃশীং রাঘবঃ শয্যামধিশেতে হ্যানাথবৎ ॥২-৮৮-১৭॥
88.18
সার্বভৌম কুলে জাতঃ সর্ব লোক সুখ আবহঃ ।
সর্ব লোক প্রিয়ঃ ত্যক্ত্বা রাজ্যম্ প্রিয়ম্ অনুত্তমম্ ॥২-৮৮-১৮॥
88.19
কথম্ ইন্দীবর শ্যামো রক্ত অক্ষঃ প্রিয় দর্শনঃ ।
সুখ ভাগী চ দুহ্খ অর্হঃ শয়িতো ভুবি রাঘবঃ ॥২-৮৮-১৯॥
88.20
ধন্যঃ খলু মহাভাগো লক্ষ্মণঃ শুভলক্ষমণঃ ।
ভ্রাতরম্ বিষমে কালে যো রামমনুবর্ততে ॥২-৮৮-২০॥
88.21
সিদ্ধ অর্থা খলু বৈদেহী পতিম্ যা অনুগতা বনম্ ।
বয়ম্ সম্শয়িতাঃ সর্বে হীনাঃ তেন মহাত্মনা ॥২-৮৮-২১॥
88.22
অকর্ণ ধারা পৃথিবী শূন্যা ইব প্রতিভাতি মা ।
গতে দশরথে স্বর্গে রামে চ অরণ্যম্ আশ্রিতে ॥২-৮৮-২২॥
88.23
ন চ প্রার্থয়তে কশ্চিন্ মনসা অপি বসুম্ধরাম্ ।
বনে অপি বসতঃ তস্য বাহু বীর্য অভিরক্ষিতাম্ ॥২-৮৮-২৩॥
88.24
শূন্য সম্বরণা রক্ষাম্ অয়ন্ত্রিত হয় দ্বিপাম্ ।
অপাবৃত পুর দ্বারাম্ রাজ ধানীম্ অরক্ষিতাম্ ॥২-৮৮-২৪॥
88.25
অপ্রহৃষ্ট বলাম্ ন্যূনাম্ বিষমস্থাম্ অনাবৃতাম্ ।
শত্রবো ন অভিমন্যন্তে ভক্ষ্যান্ বিষ কৃতান্ ইব ॥২-৮৮-২৫॥
88.26
অদ্য প্রভৃতি ভূমৌ তু শয়িষ্যে অহম্ তৃণেষু বা ।
ফল মূল অশনো নিত্যম্ জটা চীরাণি ধারয়ন্ ॥২-৮৮-২৬॥
88.27
তস্য অর্থম্ উত্তরম্ কালম্ নিবত্স্যামি সুখম্ বনে ।
তম্ প্রতিশ্রবম্ আমুচ্য ন অস্য মিথ্যা ভবিষ্যতি ॥২-৮৮-২৭॥
88.28
বসন্তম্ ভ্রাতুর্ অর্থায় শত্রুঘ্নো মা অনুবত্স্যতি ।
লক্ষ্মণেন সহ তু আর্যো অয়োধ্যাম্ পালয়িষ্যতি ॥২-৮৮-২৮॥
88.29
অভিষেক্ষ্যন্তি কাকুত্স্থম্ অয়োধ্যায়াম্ দ্বিজাতয়ঃ ।
অপি মে দেবতাঃ কুর্যুর্ ইমম্ সত্যম্ মনো রথম্ ।প্রসাদ্যমানঃ শিরসা ময়া স্বয়ম্ ।বহু প্রকারম্ যদি ন প্রপত্স্যতে ॥২-৮৮-২৯॥
88.30
ততোন্রুবত্সয়ামি চিরায় রাঘবম্ ।
বনেচরম্ নহ্রুতি মাম্রুপেক্ষিত্রুম্ ॥২-৮৮-৩০॥