Utshovসর্গ 83
83.1
ততঃ সমুত্থিতঃ কাল্যম্ আস্থায় স্যন্দন উত্তমম্ ।
প্রয়য়ৌ ভরতঃ শীঘ্রম্ রাম দর্শন কান্ক্ষয়া ॥২-৮৩-১॥
83.2
অগ্রতঃ প্রয়য়ুস্ তস্য সর্বে মন্ত্রি পুরোধসঃ ।
অধিরুহ্য হয়ৈঃ যুক্তান্ রথান্ সূর্য রথ উপমান্ ॥২-৮৩-২॥
83.3
নব নাগ সহস্রাণি কল্পিতানি যথা বিধি ।
অন্বয়ুর্ ভরতম্ যান্তম্ ইক্ষ্বাকু কুল নন্দনম্ ॥২-৮৩-৩॥
83.4
ষষ্ঠী রথ সহস্রাণি ধন্বিনো বিবিধ আয়ুধাঃ ।
অন্বয়ুর্ ভরতম্ যান্তম্ রাজ পুত্রম্ যশস্বিনম্ ॥২-৮৩-৪॥
83.5
শতম্ সহস্রাণি অশ্বানাম্ সমারূঢানি রাঘবম্ ।
অন্বয়ুর্ ভরতম্ যান্তম্ রাজ পুত্রম্ যশস্বিনম্ ॥২-৮৩-৫॥
83.6
কৈকেয়ী চ সুমিত্রা চ কৌসল্যা চ যশস্বিনী ।
রাম আনয়ন সম্হৃষ্টা যয়ুর্ যানেন ভাস্বতা ॥২-৮৩-৬॥
83.7
প্রয়াতাঃ চ আর্য সম্ঘাতা রামম্ দ্রষ্টুম্ সলক্ষ্মণম্ ।
তস্য এব চ কথাঃ চিত্রাঃ কুর্বাণা হৃষ্ট মানসাঃ ॥২-৮৩-৭॥
83.8
মেঘ শ্যামম্ মহা বাহুম্ স্থির সত্ত্বম্ দৃঢ ব্রতম্ ।
কদা দ্রক্ষ্যামহে রামম্ জগতঃ শোক নাশনম্ ॥২-৮৩-৮॥
83.9
দৃষ্টএব হি নঃ শোকম্ অপনেষ্যতি রাঘবঃ ।
তমঃ সর্বস্য লোকস্য সমুদ্যন্ন্ ইব ভাস্করঃ ॥২-৮৩-৯॥
83.10
ইতি এবম্ কথয়ন্তঃ তে সম্প্রহৃষ্টাঃ কথাঃ শুভাঃ ।
পরিষ্বজানাঃ চ অন্যোন্যম্ যয়ুর্ নাগরিকাঃ তদা ॥২-৮৩-১০॥
83.11
যে চ তত্র অপরে সর্বে সম্মতা যে চ নৈগমাঃ ।
রামম্ প্রতি যয়ুর্ হৃষ্টাঃ সর্বাঃ প্রকৃতয়ঃ তদা ॥২-৮৩-১১॥
83.12
মণি কারাঃ চ যে কেচিৎ কুম্ভ কারাঃ চ শোভনাঃ ।
সূত্র কর্ম কৃতঃ চৈব যে চ শস্ত্র উপজীবিনঃ ॥২-৮৩-১২॥
83.13
মায়ূরকাঃ ক্রাকচিকা রোচকা বেধকাঃ তথা ।
দন্ত কারাঃ সুধা কারাঃ তথা গন্ধ উপজীবিনঃ ॥২-৮৩-১৩॥
83.14
সুবর্ণ কারাঃ প্রখ্যাতাঃ তথা কম্বল ধাবকাঃ ।
স্নাপক আচ্চাদকা বৈদ্যা ধূপকাঃ শৌণ্ডিকাঃ তথা ॥২-৮৩-১৪॥
83.15
রজকাঃ তুন্ন বায়াঃ চ গ্রাম ঘোষ মহত্তরাঃ ।
শৈলূষাঃ চ সহ স্ত্রীভির্ যান্তি কৈবর্তকাঃ তথা ॥২-৮৩-১৫॥
83.16
সমাহিতা বেদবিদো ব্রাহ্মণা বৃত্ত সম্মতাঃ ।
গো রথৈঃ ভরতম্ যান্তম্ অনুজগ্মুঃ সহস্রশঃ ॥২-৮৩-১৬॥
83.17
সুবেষাঃ শুদ্ধ বসনাঃ তাম্র মৃষ্ট অনুলেপনাঃ ।
সর্বে তে বিবিধৈঃ যানৈঃ শনৈঃ ভরতম্ অন্বয়ুঃ ॥২-৮৩-১৭॥
83.18
প্রহৃষ্ট মুদিতা সেনা সান্বয়াৎ কৈকয়ী সুতম্ ।
ভ্রাতুরানয়নে যান্তম্ ভরতম্ ভ্রাতৃবত্সলম্ ॥২-৮৩-১৮॥
83.19
তে গত্বা দূরমধ্বানম্ রথম্ যানাশ্বকুঞ্জরৈঃ ।
সমাসেদুস্ততো গঙ্গাম্ শৃঙ্গিবেরপুরম্ প্রতি ॥২-৮৩-১৯॥
83.20
যত্র রামসখো বীরো গুহো জ্ঞাতিগণৈর্বৃতঃ ।
নিবসত্যপ্রমাদেন দেশম্ তম্ পরিপালয়ন্ ॥২-৮৩-২০॥
83.21
উপেত্য তীরম্ গঙ্গায়াশ্চক্রমাকৈরলঙ্কতম্ ।
ব্যবতিষ্ঠত সা সেনা ভরতস্য অনুয়ায়িনী ॥২-৮৩-২১॥
83.22
নিরীক্ষ্য অনুগতাম্ সেনাম্ তাম্ চ গন্গাম্ শিব উদকাম্ ।
ভরতঃ সচিবান্ সর্বান্ অব্রবীদ্ বাক্য কোবিদঃ ॥২-৮৩-২২॥
83.23
নিবেশয়ত মে সৈন্যম্ অভিপ্রায়েণ সর্বশঃ ।
বিশ্রান্তঃ প্রতরিষ্যামঃ শ্বৈদানীম্ মহা নদীম্ ॥২-৮৩-২৩॥
83.24
দাতুম্ চ তাবদ্ ইচ্চামি স্বর্ গতস্য মহী পতেঃ ।
ঔর্ধ্বদেহ নিমিত্ত অর্থম্ অবতীর্য উদকম্ নদীম্ ॥২-৮৩-২৪॥
83.25
তস্য এবম্ ব্রুবতঃ অমাত্যাঃ তথা ইতি উক্ত্বা সমাহিতাঃ ।
ন্যবেশয়ম্স্ তামঃ চন্দেন স্বেন স্বেন পৃথক্ পৃথক্ ॥২-৮৩-২৫॥
83.26
নিবেশ্য গন্গাম্ অনু তাম্ মহা নদীম্ ।
চমূম্ বিধানৈঃ পরিবর্হ শোভিনীম্ ।উবাস রামস্য তদা মহাত্মনো ।বিচিন্তয়ানো ভরতঃ নিবর্তনম্ ॥২-৮৩-২৬॥