Utshovসর্গ 67
67.1
আক্রন্দিতনিরানন্দা সাস্রকম্ঠজনাবিলা ।
আয়োধ্যায়ামতিততা সা ব্যতীয়ায় শর্বরী ॥২-৬৭-১॥
67.2
ব্যতীতায়াম্ তু শর্বর্যাম্ আদিত্যস্য উদয়ে ততঃ ।
সমেত্য রাজ কর্তারঃ সভাম্ ঈয়ুর্ দ্বিজাতয়ঃ ॥২-৬৭-২॥
67.3
মার্কণ্ডেয়ো অথ মৌদ্গল্যো বামদেবঃ চ কাশ্যপঃ ।
কাত্যয়নো গৌতমঃ চ জাবালিঃ চ মহা যশাঃ ॥২-৬৭-৩॥
67.4
এতে দ্বিজাঃ সহ অমাত্যৈঃ পৃথগ্ বাচম্ উদীরয়ন্ ।
বসিষ্ঠম্ এব অভিমুখাঃ শ্রেষ্ঠঃ রাজ পুরোহিতম্ ॥২-৬৭-৪॥
67.5
অতীতা শর্বরী দুহ্খম্ যা নো বর্ষ শত উপমা ।
অস্মিন্ পন্চত্বম্ আপন্নে পুত্র শোকেন পার্থিবে ॥২-৬৭-৫॥
67.6
স্বর্ গতঃ চ মহা রাজো রামঃ চ অরণ্যম্ আশ্রিতঃ ।
লক্ষ্মণঃ চ অপি তেজস্বী রামেণ এব গতঃ সহ ॥২-৬৭-৬॥
67.7
উভৌ ভরত শত্রুঘ্নৌ ক্কেকয়েষু পরম্ তপৌ ।
পুরে রাজ গৃহে রম্যে মাতামহ নিবেশনে ॥২-৬৭-৭॥
67.8
ইক্ষ্বাকূণাম্ ইহ অদ্য এব কশ্চিৎ রাজা বিধীয়তাম্ ।
অরাজকম্ হি নো রাষ্ট্রম্ ন বিনাশম্ অবাপ্নুয়াৎ ॥২-৬৭-৮॥
67.9
ন অরাজলে জন পদে বিদ্যুন্ মালী মহা স্বনঃ ।
অভিবর্ষতি পর্জন্যো মহীম্ দিব্যেন বারিণা ॥২-৬৭-৯॥
67.10
ন অরাজকে জন পদে বীজ মুষ্টিঃ প্রকীর্যতে ।
ন অরাককে পিতুঃ পুত্রঃ ভার্যা বা বর্ততে বশে ॥২-৬৭-১০॥
67.11
অরাজকে ধনম্ ন অস্তি ন অস্তি ভার্যা অপি অরাজকে ।
ইদম্ অত্যাহিতম্ চ অন্যৎ কুতঃ সত্যম্ অরাজকে ॥২-৬৭-১১॥
67.12
ন অরাজকে জন পদে কারয়ন্তি সভাম্ নরাঃ ।
উদ্যানানি চ রম্যাণি হৃষ্টাঃ পুণ্য গৃহাণি চ ॥২-৬৭-১২॥
67.13
ন অরাজকে জন পদে যজ্ঞ শীলা দ্বিজাতয়ঃ ।
সত্রাণি অন্বাসতে দান্তা ব্রাহ্মণাঃ সম্শিত ব্রতাঃ ॥২-৬৭-১৩॥
67.14
ন অরাজকে জনপদে মহায়জ্ঞেষু যজ্বনঃ ।
ব্রাহ্মণা বসুসম্পন্না বিসৃজন্ত্যাপ্তদক্ষিণাঃ ॥২-৬৭-১৪॥
67.15
ন অরাজকে জন পদে প্রভূত নট নর্তকাঃ ।
উত্সবাঃ চ সমাজাঃ চ বর্ধন্তে রাষ্ট্র বর্ধনাঃ ॥২-৬৭-১৫॥
67.16
ন অরজকে জন পদে সিদ্ধ অর্থা ব্যবহারিণঃ ।
কথাভির্ অনুরজ্যন্তে কথা শীলাঃ কথা প্রিয়ৈঃ ॥২-৬৭-১৬॥
67.17
ন অরাজকে জনপদে উদ্যানানি সমাগতাঃ ।
সায়াহ্নে ক্রীডিতুম্ যান্তি কুমার্যো হেমভূষিতাঃ ॥২-৬৭-১৭॥
67.18
ন অরাজকে জন পদে বাহনৈঃ শীঘ্র গামিভিঃ ।
নরা নির্যান্তি অরণ্যানি নারীভিঃ সহ কামিনঃ ॥২-৬৭-১৮॥
67.19
ন অরাকজে জন পদে ধনবন্তঃ সুরক্ষিতাঃ ।
শেরতে বিবৃত দ্বারাঃ কৃষি গো রক্ষ জীবিনঃ ॥২-৬৭-১৯॥
67.20
ন অরাজকে জনপদে বদ্দঘণ্টা বিষাণীনঃ ।
আটন্তি রাজমার্গেষু কুঞ্জরাঃ ষষ্টিহায়নাঃ ॥২-৬৭-২০॥
67.21
ন অরাজকে জনপদে শরান্ সম্ততমস্যতাম্ ।
শ্রূয়তে তলনির্ঘোষ ইষ্বস্ত্রাণামুপাসনে ॥২-৬৭-২১॥
67.22
ন অরাজকে জন পদে বণিজো দূর গামিনঃ ।
গচ্চন্তি ক্ষেমম্ অধ্বানম্ বহু পুণ্য সমাচিতাঃ ॥২-৬৭-২২॥
67.23
ন অরাজকে জন পদে চরতি এক চরঃ বশী ।
ভাবয়ন্ন্ আত্মনা আত্মানম্ যত্র সায়ম্ গৃহো মুনিঃ ॥২-৬৭-২৩॥
67.24
ন অরাজকে জন পদে যোগ ক্ষেমম্ প্রবর্ততে ।
ন চ অপি অরাজকে সেনা শত্রূন্ বিষহতে যুধি ॥২-৬৭-২৪॥
67.25
ন অরাজকে জনপদে হৃষ্টৈঃ পরমবাজিভিঃ ।
নরাঃ সম্যান্তি সহসা রথৈশ্চ পরিমণ্ডিতাঃ ॥২-৬৭-২৫॥
67.26
ন অরাজকে জনপদে নরাঃ শাস্ত্রবিশারদাঃ ।
সম্পদন্তোঽবতিষ্ঠন্তে বনেষূপবনেষু চ ॥২-৬৭-২৬॥
67.27
ন অরাজকে জনপদে মাল্যমোদকদক্ষিণাঃ ।
দেবতাভ্যর্চনার্থয় কল্প্যন্তে নিয়তৈর্জনৈঃ ॥২-৬৭-২৭॥
67.28
ন অরাজকে জনপদে চন্দনাগুরুরূষিতাঃ ।
রাজপুত্রা বিরাজন্তে বসন্ত ইব শাখিনঃ ॥২-৬৭-২৮॥
67.29
যথা হি অনুদকা নদ্যো যথা বা অপি অতৃণম্ বনম্ ।
অগোপালা যথা গাবঃ তথা রাষ্ট্রম্ অরাজকম্ ॥২-৬৭-২৯॥
67.30
ধ্বজো রথস্য প্রজ্ঞানম্ ধূমো জ্ঞানম্ বিভাবসোঃ ।
তেষাম্ যো নো ধ্বজো রাজ স দেবত্বমিতো গতঃ ॥২-৬৭-৩০॥
67.31
ন অরাজকে জন পদে স্বকম্ ভবতি কস্যচিৎ ।
মত্স্যাইব নরা নিত্যম্ ভক্ষয়ন্তি পরস্পরম্ ॥২-৬৭-৩১॥
67.32
যেহি সম্ভিন্ন মর্যাদা নাস্তিকাঃ চিন্ন সম্শয়াঃ ।
তে অপি ভাবায় কল্পন্তে রাজ দণ্ড নিপীডিতাঃ ॥২-৬৭-৩২॥
67.33
যথা দৃষ্টিঃ শরীরস্য নিত্যমেবপ্রবর্ততে ।
তথা নরেন্দ্রো রাষ্ট্রস্য প্রভবঃ সত্যধর্ময়োঃ ॥২-৬৭-৩৩॥
67.34
রাজা সত্যম্ চ ধর্মশ্চ রাজা কুলবতাম্ কুলম্ ।
রাজা মাতা পিতা চৈব রাজা হিতকরো নৃণাম্ ॥২-৬৭-৩৪॥
67.35
যমো বৈশ্রবণঃ শক্রো বরুণশ্চ মহাবলঃ ।
বিশেষ্যন্তে নরেন্দ্রেণ বৃত্তেন মহাতা ততঃ ॥২-৬৭-৩৫॥
67.36
অহো তমৈব ইদম্ স্যান্ ন প্রজ্ঞায়েত কিম্চন ।
রাজা চেন্ ন ভবেন্ লোকে বিভজন্ সাধ্ব্ অসাধুনী ॥২-৬৭-৩৬॥
67.37
জীবতি অপি মহা রাজে তব এব বচনম্ বয়ম্ ।
ন অতিক্রমামহে সর্বে বেলাম্ প্রাপ্য ইব সাগরঃ ॥২-৬৭-৩৭॥
67.38
স নঃ সমীক্ষ্য দ্বিজ বর্য বৃত্তম্ ।
নৃপম্ বিনা রাজ্যম্ অরণ্য ভূতম্ ।কুমারম্ ইক্ষ্বাকু সুতম্ বদান্যম্ ।ত্বম্ এব রাজানম্ ইহ অভিষিন্চয় ॥২-৬৭-৩৮॥