Utshovসর্গ 1
1.1
গচ্ছতা মাতুলকুলং ভরতেন তদাঽনঘঃ ।
শত্রুঘ্নো নিত্যশত্রুঘ্নো নীতঃ প্রীতিপুরস্কৃতঃ ॥২-১-১॥
1.2
স তত্র ন্যবসদ্ভ্রাত্রা সহ সত্কারসত্কৃতঃ ।
মাতুলেনাশ্বপতিনা পুত্রস্নেহেন লালিতঃ ॥২-১-২॥
1.3
তত্রাপি নিবসন্তৌ তৌ তর্প্যমাণৌ চ কামতঃ ।
ভ্রাতরৌ স্মরতাং বীরৌ বৃদ্ধং দসরথং নৃপম্ ॥২-১-৩॥
1.4
রাজাপি তৌ মহাতেজাঃ সস্মার প্রোষিতৌ সুতৌ ।
উভৌ ভরতশত্রুঘ্নৌ মহেন্দ্রবরুণোপমৌ ॥২-১-৪॥
1.5
সর্ব এব তু তস্যেষ্ট শ্চত্বারঃ পুরুষর্ষভাঃ ।
স্বশরীরাদ্বিনির্বৃত্তাশ্চত্বার ইব বাহবঃ ॥২-১-৫॥
1.6
তেষামপি মহাতেজা রামো রতিকরঃ পিতুঃ ।
স্বয়ম্ভূরিব ভূতানাং বভূব গুণবত্তরঃ ॥২-১-৬॥
1.7
স হি দেবৈ রুদীর্ণস্য রাবণস্য বধার্থিভিঃ ।
অর্থিতো মানুষে লোকে জজ্ঞে বিষ্ণুঃ সনাতনঃ ॥২-১-৭॥
1.8
কৌসল্যা শুশুভে পুত্রেণামিততেজসা ।
যথা বরেণ দেবানামদিতির্বজ্রপাণিনা ॥২-১-৮॥
1.9
স হি রূপোপপন্নশ্চ বীর্যবাননসূয়কঃ ।
ভূমাবনুপমঃ সূনুর্গণৈর্ধশরথোপমঃ ॥২-১-৯॥
1.10
স চ নিত্যং প্রশান্তাত্মা মৃদুপূর্বং তু ভাষতে ।
উচ্যমানোঽপি পরুষং নোত্তরং প্রতিপদ্যতে ॥২-১-১০॥
1.11
কথংচিদুপকারেণ কৃতেনৈ কেন তুষ্যতি ।
ন স্মরত্যপকারাণাং শতমপ্যাত্মবত্তয়া ॥২-১-১১॥
1.12
শীলবৃদ্ধৈ র্জ্ঞানবৃদ্ধৈর্বয়োবৃদ্ধৈশ্চ সজ্জনৈঃ ।
কথয়ন্নাস্ত বৈনিত্য মস্ত্রয়োগ্যান্তরেষ্বপি ॥২-১-১২॥
1.13
বুদ্ধিমান্ মধুরাভাষী পূর্বভাষী প্রিয়ংবদঃ ।
বীর্যবান্ন চ বীর্যেণ মহতা স্বেন বিস্মিতঃ ॥২-১-১৩॥
1.14
ন চানৃতকথো বিদ্বান্ বৃদ্ধানাং প্রতিপূজকঃ ।
অনুরক্তঃ প্রজাভিশ্চ প্রজাশ্চাপ্যনুরজ্যতে ॥২-১-১৪॥
1.15
সানুক্রোশো জিতক্রোধো ব্রাহ্মণপ্রতিপূজকঃ ।
দীনানুকম্পী ধর্মজ্ঞো নিত্যং প্রগ্রহবাঞ্ছুচিঃ ॥২-১-১৫॥
1.16
কুলোচিতমতিঃ ক্ষাত্রং ধর্মং স্বং বহুমন্যতে ।
মন্যতে পরয়া কীর্ত্য মহত্স্বর্গফলং ততঃ ॥২-১-১৬॥
1.17
নাশ্রেয়সি রতো বিদ্বান্ন বিরুদ্ধকথারুচিঃ ।
উত্তরোত্তরয়ুক্তৌ চ বক্তা বাচস্পতি র্যথা ॥২-১-১৭॥
1.18
অরোগস্তরুণো বাগ্মী বপুষ্মান্ দেশকালবিৎ ।
লোকে পুরুষসারজ্ঞস্সাধুরেকো বিনির্মিতঃ ॥২-১-১৮॥
1.19
স তু স্রেষ্ঠৈর্গুণৈর্যুক্তঃ প্রজানাং পার্থিবাত্মজঃ ।
বহিশ্চর ইব প্রাণো বভূব গুণতঃ প্রিয়ঃ ॥২-১-১৯॥
1.20
সম্যগ্বিদ্যাব্রতস্নাতো যথাবত্সাঙ্গবেদবিৎ ।
ইষ্বস্ত্রে চ পিতুঃ শ্রেষ্ঠো বভূব ভরতাগ্রজঃ ॥২-১-২০॥
1.21
কল্যাণাভিজনঃ সাধুরদীনঃ সত্যবাগৃজুঃ ।
বৃদ্ধৈরভিবিনীতশ্চ দ্বিজৈর্ধর্মার্থদর্শিভিঃ ॥২-১-২১॥
1.22
ধর্মকামার্থতত্ত্বজ্ঞঃ স্মৃতিমান্ প্রতিভানবান্ ।
লৌকিকে সময়াচারে কৃতকল্পো বিশারদঃ ॥২-১-২২॥
1.23
নিভৃতঃ সংবৃতাকারো গুপ্তমন্ত্রঃ সহায়বান্ ।
অমোঘক্রোধহর্ষশ্চ ত্যাগসংয়মকালবিৎ ॥২-১-২৩॥
1.24
দৃঢভক্তিঃ স্থিরপ্রজ্ঞো নাসদ্গ্রাহী ন দুর্বচাঃ ।
নিস্তন্দ্রিরপ্রমত্তশ্চ স্বদোষপরদোষবিৎ ॥২-১-২৪॥
1.25
শাস্ত্রজ্ঞশ্চ কৃতজ্ঞশ্চ পুরুষান্তরকোবিদঃ ।
যঃ প্রগ্রহানুগ্রহয়োর্যথান্যায়ং বিচক্ষণঃ ॥২-১-২৫॥
1.26
সত্সংগ্রহপ্রগ্রহণে স্থানবিন্নিগ্রহস্য চ ।
আয়কর্মণ্যুপায়জ্ঞঃ সংদৃষ্টব্যয়কর্মবিৎ ॥২-১-২৬॥
1.27
শ্রৈষ্ঠ্যং শাস্ত্রসমূহেষু প্রাপ্তো ব্যামিশ্রকেষু চ ।
অর্থধর্মৌ চ সংগৃহ্য সুখতন্ত্রো ন চালসঃ ॥২-১-২৭॥
1.28
বৈহারিকাণাং শিল্পানাং বিজ্ঞাতার্থবিভাগবিৎ ।
আরোহে বিনয়ে চৈব যুক্তোবারণবাজিনাম্ ॥২-১-২৮॥
1.29
ধনুর্বেদবিদাং স্রেষ্ঠো লোকেঽতিরথসংমতঃ ।
অভিয়াতা প্রহর্তা চ সেনানয়বিশারদঃ ॥২-১-২৯॥
1.30
অপ্রধৃষ্যশ্চ সংগ্রামে ক্রুদ্ধৈরপি সুরাসুরৈঃ ।
অনসূয়ো জিতক্রোধো ন দৃপ্তো ন চ মত্সরী ।ন চাবমন্তা ভূতানাং ন চ কালবশানুগঃ ॥২-১-৩০॥
1.31
এবং শ্রেষ্ঠগুণৈর্যুক্তঃ প্রজানাং পার্থিবাত্মজঃ ।
সংমতস্ত্রিষু লোকেষুবসুধায়াঃ ক্ষমাগুণৈঃ ॥২-১-৩১॥
1.32
বুদ্দ্যা বৃহস্পতেস্তুল্যো বীর্যেণাপি শচীপতেঃ ।
তথা সর্বপ্রজাকান্তৈঃ প্রীতিসংজননৈঃ পিতুঃ ॥২-১-৩২॥
1.33
গুণৈর্বিরুরুচে রামো দীপ্তঃ সূর্য ইবাংশুভিঃ ।
তমেবংব্রতসংপন্নমপ্রধৃষ্যপরাক্রমম্ ॥২-১-৩৩॥
1.34
লোকপালোপমং নাথমকাময়ত মেদিনী ।
এতৈস্তু বহুভির্যুক্তং গুণৈরনুপমৈঃ সুতম্ ॥২-১-৩৪॥
1.35
দৃষ্ট্বা দশরথো রাজা চক্রে চিন্তাং পরংতপঃ ।
অথ রাজ্ঞো বভূবৈবং বৃদ্ধস্য চিরজীবিনঃ ॥২-১-৩৫॥
1.36
প্রীতিরেষা কথং রামো রাজা স্যান্ময়ি জীবতি ।
এষা হ্যস্য পরা প্রীতির্হৃদি সংপরিবর্ততে ॥২-১-৩৬॥
1.37
কদা নাম সুতং দ্রক্ষ্যাম্যভিষিক্তমহং প্রিয়ম্ ।
বৃদ্ধিকামো হি লোকস্য সর্বভূতানুকম্পনঃ ॥২-১-৩৭॥
1.38
মত্তঃ প্রিয়তরো লোকে পর্ঙন্য ইব বৃষ্টিমান্ ।
যমশক্রসমো বীর্যে বৃহস্পতিসমো মতৌ ॥২-১-৩৮॥
1.39
মহীধরসমো ধৃত্যাং মত্তশ্চ গুণবত্তরঃ ।
মহীমহমিমাং কৃত্স্নামধিতিষ্ঠন্তমাত্মজম্ ॥২-১-৩৯॥
1.40
অনেন বয়সা দৃষ্ট্বা যথা স্বর্গমবাপ্নুয়াম্ ।
ইত্যেতৈ র্বিবিধৈ স্তৈস্তৈ রন্যপার্থিবদুর্লভৈঃ ॥২-১-৪০॥
1.41
শিষ্টৈরপরিমেয়ৈশ্ছ লোকে লোকোত্তরৈর্গুণৈঃ ।
তং সমীক্ষ্য মহারাজো যুক্তং সমুদিতৈঃ শুভৈঃ ॥২-১-৪১॥
1.42
নিশ্চিত্য সচিবৈঃ সার্ধং যুবরাজমমন্যত ।
দিব্যন্তরিক্ষে ভূমৌ চ ঘোরমুত্পাতজং ভয়ম্ ॥২-১-৪২॥
1.43
সংচচক্ষেঽথ মেধাবী শরীরে চাত্মনো জরাম্ ।
পূর্ণচন্দ্রাননস্যাথ শোকাপনুদমাত্মনঃ ॥২-১-৪৩॥
1.44
লোকে রামস্য বুবুধে সংপ্রিয়ত্বং মহাত্মনঃ ।
আত্মনশ্চ প্রজানাং চ শ্রেয়সে চ প্রিয়েণ চ ॥২-১-৪৪॥
1.45
প্রাপ্তকালেন ধর্মাত্মা ভক্ত্যা ত্বরিতবান্ নৃপঃ ।
নানানগরবাস্তব্যান্ পৃথগ্জানপদানপি ॥২-১-৪৫॥
1.46
সমানিনায় মেদিন্যাঃ প্রধানান্ পৃথিবীপতীন্ ।
ন তু কেকয়রাজানং জনকং বা নরাধিপঃ ॥২-১-৪৬॥
1.47
ত্বরয়া চানয়ামাস পশ্চাত্তৌ শ্রোষ্যতঃ প্রিয়ম্ ।
তান্বেশ্মনানাভরণৈর্যথার্হং প্রতিপূজিতান্ ॥২-১-৪৭॥
1.48
দদর্শালংকৃতো রাজা প্রজাপতিরিব প্রজাঃ ।
অথোপবিষ্টে নৃপতৌ তস্মিন্ পরবলার্দনে ॥২-১-৪৮॥
1.49
ততঃ প্রবিবিশুঃ শেষ রাজানো লোকসম্মতাঃ ।
অথ রাজবিতীর্ণেষু বিবিধেষ্বাসনেষু চ ॥২-১-৪৯॥
1.50
রাজানমেবাভিমুখা নিষেদুর্নিয়তা নৃপাঃ ।
স লব্ধমানৈর্বিনয়ান্বিতৈর্নৃপৈঃ ।পুরালয়ৈ র্জানপদৈশ্চ মানবৈঃ ।উপোপবিষ্টৈর্নৃতো বভৌ ।সহস্রচক্ষুর্ভগবানিবামরৈঃ ॥২-১-৫০॥