সূক্ত 7

7.1

৯ কাশ্যপোঽসিতো দেবলো বা । পবমানঃ সোমঃ । গায়ত্রী ।

অসৃগ্রমিন্দবঃ পথা ধর্মন্নৃতস্য সুশ্রিয়ঃ । বিদানা অস্য যোজনম্ ॥১॥

7.2

প্র ধারা মধ্বো অগ্রিয়ো মহীরপো বি গাহতে । হবির্হবিষ্ষু বন্দ্যঃ ॥২॥

7.3

প্র যুজো বাচো অগ্রিয়ো বৃষাব চক্রদদ্বনে । সদ্মাভি সত্যো অধ্বরঃ ॥৩॥

7.4

পরি যত্কাব্যা কবির্নৃম্ণা বসানো অর্ষতি । স্বর্বাজী সিষাসতি ॥৪॥

7.5

পবমানো অভি স্পৃধো বিশো রাজেব সীদতি । যদীমৃণ্বন্তি বেধসঃ ॥৫॥

7.6

অব্যো বারে পরি প্রিয়ো হরির্বনেষু সীদতি । রেভো বনুষ্যতে মতী ॥৬॥

7.7

স বায়ুমিন্দ্রমশ্বিনা সাকং মদেন গচ্ছতি । রণা যো অস্য ধর্মভিঃ ॥৭॥

7.8

আ মিত্রাবরুণা ভগং মধ্বঃ পবন্ত ঊর্ময়ঃ । বিদানা অস্য শক্মভিঃ ॥৮॥

7.9

অস্মভ্যং রোদসী রয়িং মধ্বো বাজস্য সাতয়ে । শ্রবো বসূনি সং জিতম্ ॥৯॥