সূক্ত 44

44.1

৬ অয়াস্য আঙ্গিরসঃ । পবমানঃ সোমঃ । গায়ত্রী ।

প্র ণ ইন্দো মহে তন ঊর্মিং ন বিভ্রদর্ষসি । অভি দেবাঁ অয়াস্যঃ ॥১॥

44.2

মতী জুষ্টো ধিয়া হিতঃ সোমো হিন্বে পরাবতি । বিপ্রস্য ধারয়া কবিঃ ॥২॥

44.3

অয়ং দেবেষু জাগৃবিঃ সুত এতি পবিত্র আ । সোমো যাতি বিচর্ষণিঃ ॥৩॥

44.4

স নঃ পবস্ব বাজয়ুশ্চক্রাণশ্চারুমধ্বরম্ । বর্হিষ্মাঁ আ বিবাসতি ॥৪॥

44.5

স নো ভগায় বায়বে বিপ্রবীরঃ সদাবৃধঃ । সোমো দেবেষ্বা যমৎ ॥৫॥

44.6

স নো অদ্য বসুত্তয়ে ক্রতুবিদ্গাতুবিত্তমঃ । বাজং জেষি শ্রবো বৃহৎ ॥৬॥