সূক্ত 1

1.1

১০ মধুচ্ছন্দা বৈশ্বামিত্রঃ। পবমানঃ সোমঃ । গায়ত্রী ।

স্বাদিষ্ঠয়া মদিষ্ঠয়া পবস্ব সোম ধারয়া । ইন্দ্রায় পাতবে সুতঃ ॥১॥

1.2

রক্ষোহা বিশ্বচর্ষণিরভি যোনিময়োহতম্ । দ্রুণা সধস্থমাসদৎ ॥২॥

1.3

বরিবোধাতমো ভব মংহিষ্ঠো বৃত্রহন্তমঃ । পর্ষি রাধো মঘোনাম্ ॥৩॥

1.4

অভ্যর্ষ মহানাং দেবানাং বীতিমন্ধসা । অভি বাজমুত শ্রবঃ ॥৪॥

1.5

ত্বামচ্ছা চরামসি তদিদর্থং দিবেদিবে । ইন্দো ত্বে ন আশসঃ ॥৫॥

1.6

পুনাতি তে পরিস্রুতং সোমং সূর্যস্য দুহিতা । বারেণ শশ্বতা তনা ॥৬॥

1.7

তমীমণ্বীঃ সমর্য আ গৃভ্ণন্তি যোষণো দশ । স্বসারঃ পার্যে দিবি ॥৭॥

1.8

তমীং হিন্বন্ত্যগ্রুবো ধমন্তি বাকুরং দৃতিম্ । ত্রিধাতু বারণং মধু ॥৮॥

1.9

অভী৩মমঘ্ন্যা উত শ্রীণন্তি ধেনবঃ শিশুম্ । সোমমিন্দ্রায় পাতবে ॥৯॥

1.10

অস্যেদিন্দ্রো মদেষ্বা বিশ্বা বৃত্রাণি জিঘ্নতে । শূরো মঘা চ মংহতে ॥১০॥