সূক্ত 7

7.1

৩৬ পুনর্বত্সঃ কাণ্বঃ । মরুতঃ । গায়ত্রী ।

প্র যদ্বস্ত্রিষ্টুভমিষং মরুতো বিপ্রো অক্ষরৎ । বি পর্বতেষু রাজথ ॥১॥

7.2

যদঙ্গ তবিষীয়বো যামং শুভ্রা অচিধ্বম্ । নি পর্বতা অহাসত ॥২॥

7.3

উদীরয়ন্ত বায়ুভির্বাশ্রাসঃ পৃশ্নিমাতরঃ । ধুক্ষন্ত পিপ্যুষীমিষম্ ॥৩॥

7.4

বপন্তি মরুতো মিহং প্র বেপয়ন্তি পর্বতান্ । যদ্যামং যান্তি বায়ুভিঃ ॥৪॥

7.5

নি যদ্যামায় বো গিরির্নি সিন্ধবো বিধর্মণে । মহে শুষ্মায় যেমিরে ॥৫॥

7.6

যুষ্মাঁ উ নক্তমূতয়ে যুষ্মান্দিবা হবামহে । যুষ্মান্প্রয়ত্যধ্বরে ॥৬॥

7.7

উদু ত্যে অরুণপ্সবশ্চিত্রা যামেভিরীরতে । বাশ্রা অধি ষ্ণুনা দিবঃ ॥৭॥

7.8

সৃজন্তি রশ্মিমোজসা পন্থাং সূর্যায় যাতবে । তে ভানুভির্বি তস্থিরে ॥৮॥

7.9

ইমাং মে মরুতো গিরমিমং স্তোমমৃভুক্ষণঃ । ইমং মে বনতা হবম্ ॥৯॥

7.10

ত্রীণি সরাংসি পৃশ্নয়ো দুদুহ্রে বজ্রিণে মধু । উত্সং কবন্ধমুদ্রিণম্ ॥১০॥

7.11

মরুতো যদ্ধ বো দিবঃ সুম্নায়ন্তো হবামহে । আ তূ ন উপ গন্তন ॥১১॥

7.12

যূয়ং হি ষ্ঠা সুদানবো রুদ্রা ঋভুক্ষণো দমে । উত প্রচেতসো মদে ॥১২॥

7.13

আ নো রয়িং মদচ্যুতং পুরুক্ষুং বিশ্বধায়সম্ । ইয়র্তা মরুতো দিবঃ ॥১৩॥

7.14

অধীব যদ্গিরীণাং যামং শুভ্রা অচিধ্বম্ । সুবানৈর্মন্দধ্ব ইন্দুভিঃ ॥১৪॥

7.15

এতাবতশ্চিদেষাং সুম্নং ভিক্ষেত মর্ত্যঃ । অদাভ্যস্য মন্মভিঃ ॥১৫॥

7.16

যে দ্রপ্সা ইব রোদসী ধমন্ত্যনু বৃষ্টিভিঃ । উত্সং দুহন্তো অক্ষিতম্ ॥১৬॥

7.17

উদু স্বানেভিরীরত উদ্রথৈরুদু বায়ুভিঃ । উত্স্তোমৈঃ পৃশ্নিমাতরঃ ॥১৭॥

7.18

যেনাব তুর্বশং যদুং যেন কণ্বং ধনস্পৃতম্ । রায়ে সু তস্য ধীমহি ॥১৮॥

7.19

ইমা উ বঃ সুদানবো ঘৃতং ন পিপ্যুষীরিষঃ । বর্ধান্কাণ্বস্য মন্মভিঃ ॥১৯॥

7.20

ক্ব নূনং সুদানবো মদথা বৃক্তবর্হিষঃ । ব্রহ্মা কো বঃ সপর্যতি ॥২০॥

7.21

নহি ষ্ম যদ্ধ বঃ পুরা স্তোমেভির্বৃক্তবর্হিষঃ । শর্ধাঁ ঋতস্য জিন্বথ ॥২১॥

7.22

সমু ত্যে মহতীরপঃ সং ক্ষোণী সমু সূর্যম্ । সং বজ্রং পর্বশো দধুঃ ॥২২॥

7.23

বি বৃত্রং পর্বশো যয়ুর্বি পর্বতাঁ অরাজিনঃ । চক্রাণা বৃষ্ণি পৌংস্যম্ ॥২৩॥

7.24

অনু ত্রিতস্য যুধ্যতঃ শুষ্মমাবন্নুত ক্রতুম্ । অন্বিন্দ্রং বৃত্রতূর্যে ॥২৪॥

7.25

বিদ্যুদ্ধস্তা অভিদ্যবঃ শিপ্রাঃ শীর্ষন্হিরণ্যয়ীঃ । শুভ্রা ব্যঞ্জত শ্রিয়ে ॥২৫॥

7.26

উশনা যত্পরাবত উক্ষ্ণো রন্ধ্রময়াতন । দ্যৌর্ন চক্রদদ্ভিয়া ॥২৬॥

7.27

আ নো মখস্য দাবনেঽশ্বৈর্হিরণ্যপাণিভিঃ । দেবাস উপ গন্তন ॥২৭॥

7.28

যদেষাং পৃষতী রথে প্রষ্টির্বহতি রোহিতঃ । যান্তি শুভ্রা রিণন্নপঃ ॥২৮॥

7.29

সুষোমে শর্যণাবত্যার্জীকে পস্ত্যাবতি । যয়ুর্নিচক্রয়া নরঃ ॥২৯॥

7.30

কদা গচ্ছাথ মরুত ইত্থা বিপ্রং হবমানম্ । মার্ডীকেভির্নাধমানম্ ॥৩০॥

7.31

কদ্ধ নূনং কধপ্রিয়ো যদিন্দ্রমজহাতন । কো বঃ সখিত্ব ওহতে ॥৩১॥

7.32

সহো ষু ণো বজ্রহস্তৈঃ কণ্বাসো অগ্নিং মরুদ্ভিঃ । স্তুষে হিরণ্যবাশীভিঃ ॥৩২॥

7.33

ও ষু বৃষ্ণঃ প্রয়জ্যূনা নব্যসে সুবিতায় । ববৃত্যাং চিত্রবাজান্ ॥৩৩॥

7.34

গিরয়শ্চিন্নি জিহতে পর্শানাসো মন্যমানাঃ । পর্বতাশ্চিন্নি যেমিরে ॥৩৪॥

7.35

আক্ষ্ণয়াবানো বহন্ত্যন্তরিক্ষেণ পততঃ । ধাতারঃ স্তুবতে বয়ঃ ॥৩৫॥

7.36

অগ্নির্হি জানি পূর্ব্যশ্ছন্দো ন সূরো অর্চিষা । তে ভানুভির্বি তস্থিরে ॥৩৬॥