সূক্ত 11

11.1

১০ বত্সঃ কাণ্বঃ । অগ্নিঃ ।গায়ত্রী , ১ প্রতিষ্ঠা, ২ বর্ধমানা , ১০ ত্রিষ্টুপ্ ।

ত্বমগ্নে ব্রতপা অসি দেব আ মর্ত্যেষ্বা । ত্বং যজ্ঞেষ্বীড্যঃ ॥১॥

11.2

ত্বমসি প্রশস্যো বিদথেষু সহন্ত্য । অগ্নে রথীরধ্বরাণাম্ ॥২॥

11.3

স ত্বমস্মদপ দ্বিষো যুয়োধি জাতবেদঃ । অদেবীরগ্নে অরাতীঃ ॥৩॥

11.4

অন্তি চিত্সন্তমহ যজ্ঞং মর্তস্য রিপোঃ । নোপ বেষি জাতবেদঃ ॥৪॥

11.5

মর্তা অমর্ত্যস্য তে ভূরি নাম মনামহে । বিপ্রাসো জাতবেদসঃ ॥৫॥

11.6

বিপ্রং বিপ্রাসোঽবসে দেবং মর্তাস ঊতয়ে । অগ্নিং গীর্ভির্হবামহে ॥৬॥

11.7

আ তে বত্সো মনো যমত্পরমাচ্চিত্সধস্থাৎ । অগ্নে ত্বাংকাময়া গিরা ॥৭॥

11.8

পুরুত্রা হি সদৃঙ্ঙসি বিশো বিশ্বা অনু প্রভুঃ । সমত্সু ত্বা হবামহে ॥৮॥

11.9

সমত্স্বগ্নিমবসে বাজয়ন্তো হবামহে । বাজেষু চিত্ররাধসম্ ॥৯॥

11.10

প্রত্নো হি কমীড্যো অধ্বরেষু সনাচ্চ হোতা নব্যশ্চ সত্সি । স্বাং চাগ্নে তন্বং পিপ্রয়স্বাঽস্মভ্যং চ সৌভগমা যজস্ব ॥১০॥