সূক্ত 91

91.1

৭ মৈত্রাবরুণির্বসিষ্ঠঃ। ১,৩ বায়ুঃ , ২, ৪-৭ ইন্দ্রবায়ূ । ত্রিষ্টুপ্ ।

কুবিদঙ্গ নমসা যে বৃধাসঃ পুরা দেবা অনবদ্যাস আসন্ ।
তে বায়বে মনবে বাধিতায়াঽবাসয়ন্নুষসং সূর্যেণ ॥১॥

91.2

উশন্তা দূতা ন দভায় গোপা মাসশ্চ পাথঃ শরদশ্চ পূর্বীঃ ।
ইন্দ্রবায়ূ সুষ্টুতির্বামিয়ানা মার্ডীকমীট্টে সুবিতং চ নব্যম্ ॥২॥

91.3

পীবোঅন্নাঁ রয়িবৃধঃ সুমেধাঃ শ্বেতঃ সিষক্তি নিয়ুতামভিশ্রীঃ ।
তে বায়বে সমনসো বি তস্থুর্বিশ্বেন্নরঃ স্বপত্যানি চক্রুঃ ॥৩॥

91.4

যাবত্তরস্তন্বো৩ যাবদোজো যাবন্নরশ্চক্ষসা দীধ্যানাঃ ।
শুচিং সোমং শুচিপা পাতমস্মে ইন্দ্রবায়ূ সদতং বর্হিরেদম্ ॥৪॥

91.5

নিয়ুবানা নিয়ুতঃ স্পার্হবীরা ইন্দ্রবায়ূ সরথং যাতমর্বাক্ ।
ইদং হি বাং প্রভৃতং মধ্বো অগ্রমধ প্রীণানা বি মুমুক্তমস্মে ॥৫॥

91.6

যা বাং শতং নিয়ুতো যাঃ সহস্রমিন্দ্রবায়ূ বিশ্ববারাঃ সচন্তে ।
আভির্যাতং সুবিদত্রাভিরর্বাক্পাতং নরা প্রতিভৃতস্য মধ্বঃ ॥৬॥

91.7

অর্বন্তো ন শ্রবসো ভিক্ষমাণা ইন্দ্রবায়ূ সুষ্টুতিভির্বসিষ্ঠাঃ ।
বাজয়ন্তঃ স্ববসে হুবেম যূয়ং পাত স্বস্তিভিঃ সদা নঃ ॥৭॥