সূক্ত 6

6.1

৭ মৈত্রাবরুণির্বসিষ্ঠঃ। বৈশ্বানরোঽগ্নিঃ । ত্রিষ্টুপ্ ।

প্র সম্রাজো অসুরস্য প্রশস্তিং পুংসঃ কৃষ্টীনামনুমাদ্যস্য ।
ইন্দ্রস্যেব প্র তবসস্কৃতানি বন্দে দারুং বন্দমানো বিবক্মি ॥১॥

6.2

কবিং কেতুং ধাসিং ভানুমদ্রের্হিন্বন্তি শং রাজ্যং রোদস্যোঃ ।
পুরংদরস্য গীর্ভিরা বিবাসেঽগ্নের্ব্রতানি পূর্ব্যা মহানি ॥২॥

6.3

ন্যক্রতূন্গ্রথিনো মৃধ্রবাচঃ পণীঁরশ্রদ্ধাঁ অবৃধাঁ অয়জ্ঞান্ ।
প্রপ্র তান্দস্যূঁরগ্নির্বিবায় পূর্বশ্চকারাপরাঁ অয়জ্যূন্ ॥৩॥

6.4

যো অপাচীনে তমসি মদন্তীঃ প্রাচীশ্চকার নৃতমঃ শচীভিঃ ।
তমীশানং বস্বো অগ্নিং গৃণীষেঽনানতং দময়ন্তং পৃতন্যূন্ ॥৪॥

6.5

যো দেহ্যো৩ অনময়দ্বধস্নৈর্যো অর্যপত্নীরুষসশ্চকার ।
স নিরুধ্যা নহুষো যহ্বো অগ্নির্বিশশ্চক্রে বলিহৃতঃ সহোভিঃ ॥৫॥

6.6

যস্য শর্মন্নুপ বিশ্বে জনাস এবৈস্তস্থুঃ সুমতিং ভিক্ষমাণাঃ ।
বৈশ্বানরো বরমা রোদস্যোরাগ্নিঃ সসাদ পিত্রোরুপস্থম্ ॥৬॥

6.7

আ দেবো দদে বুধ্ন্যা৩ বসূনি বৈশ্বানর উদিতা সূর্যস্য ।
আ সমুদ্রাদবরাদা পরস্মাদাগ্নির্দদে দিব আ পৃথিব্যাঃ ॥৭॥