সূক্ত 103

103.1

১০ মৈত্রাবরুণির্বসিষ্ঠঃ।মণ্ডূকাঃ { পর্জন্যঃ } । ত্রিষ্টুপ্ , ১ অনুষ্টুপ্ ।

সংবত্সরং শশয়ানা ব্রাহ্মণা ব্রতচারিণঃ ।
বাচং পর্জন্যজিন্বিতাং প্র মণ্ডূকা অবাদিষুঃ ॥১॥

103.2

দিব্যা আপো অভি যদেনমায়ন্দৃতিং ন শুষ্কং সরসী শয়ানম্ ।
গবামহ ন মায়ুর্বত্সিনীনাং মণ্ডূকানাং বগ্নুরত্রা সমেতি ॥২॥

103.3

যদীমেনাঁ উশতো অভ্যবর্ষীত্তৃষ্যাবতঃ প্রাবৃষ্যাগতায়াম্ ।
অখ্খলীকৃত্যা পিতরং ন পুত্রো অন্যো অন্যমুপ বদন্তমেতি ॥৩॥

103.4

অন্যো অন্যমনু গৃভ্ণাত্যেনোরপাং প্রসর্গে যদমন্দিষাতাম্ ।
মণ্ডূকো যদভিবৃষ্টঃ কনিষ্কন্পৃশ্নিঃ সম্পৃঙ্ক্তে হরিতেন বাচম্ ॥৪॥

103.5

যদেষামন্যো অন্যস্য বাচং শাক্তস্যেব বদতি শিক্ষমাণঃ ।
সর্বং তদেষাং সমৃধেব পর্ব যত্সুবাচো বদথনাধ্যপ্সু ॥৫॥

103.6

গোমায়ুরেকো অজমায়ুরেকঃ পৃশ্নিরেকো হরিত এক এষাম্ ।
সমানং নাম বিভ্রতো বিরূপাঃ পুরুত্রা বাচং পিপিশুর্বদন্তঃ ॥৬॥

103.7

ব্রাহ্মণাসো অতিরাত্রে ন সোমে সরো ন পূর্ণমভিতো বদন্তঃ ।
সংবত্সরস্য তদহঃ পরি ষ্ঠ যন্মণ্ডূকাঃ প্রাবৃষীণং বভূব ॥৭॥

103.8

ব্রাহ্মণাসঃ সোমিনো বাচমক্রত ব্রহ্ম কৃণ্বন্তঃ পরিবত্সরীণম্ ।
অধ্বর্যবো ঘর্মিণঃ সিষ্বিদানা আবির্ভবন্তি গুহ্যা ন কে চিৎ ॥৮॥

103.9

দেবহিতিং জুগুপুর্দ্বাদশস্য ঋতুং নরো ন প্র মিনন্ত্যেতে ।
সংবত্সরে প্রাবৃষ্যাগতায়াং তপ্তা ঘর্মা অশ্নুবতে বিসর্গম্ ॥৯॥

103.10

গোমায়ুরদাদজমায়ুরদাত্পৃশ্নিরদাদ্ধরিতো নো বসূনি ।
গবাং মণ্ডূকা দদতঃ শতানি সহস্রসাবে প্র তিরন্ত আয়ুঃ ॥১০॥