সূক্ত 1

1.1

২৫ মৈত্রাবরুণির্বসিষ্ঠঃ। অগ্নিঃ । বিরাট্ ,১৯-২৫ ত্রিষ্টুপ্ ।

অগ্নিং নরো দীধিতিভিররণ্যোর্হস্তচ্যুতী জনয়ন্ত প্রশস্তম্ ।
দূরেদৃশং গৃহপতিমথর্যুম্ ॥১॥

1.2

তমগ্নিমস্তে বসবো ন্যৃণ্বন্ত্সুপ্রতিচক্ষমবসে কুতশ্চিৎ ।
দক্ষায্যো যো দম আস নিত্যঃ ॥২॥

1.3

প্রেদ্ধো অগ্নে দীদিহি পুরো নোঽজস্রয়া সূর্ম্যা যবিষ্ঠ ।
ত্বাং শশ্বন্ত উপ যন্তি বাজাঃ ॥৩॥

1.4

প্র তে অগ্নয়োঽগ্নিভ্যো বরং নিঃ সুবীরাসঃ শোশুচন্ত দ্যুমন্তঃ ।
যত্রা নরঃ সমাসতে সুজাতাঃ ॥৪॥

1.5

দা নো অগ্নে ধিয়া রয়িং সুবীরং স্বপত্যং সহস্য প্রশস্তম্ ।
ন যং যাবা তরতি যাতুমাবান্ ॥৫॥

1.6

উপ যমেতি যুবতিঃ সুদক্ষং দোষা বস্তোর্হবিষ্মতী ঘৃতাচী ।
উপ স্বৈনমরমতির্বসূয়ুঃ ॥৬॥

1.7

বিশ্বা অগ্নেঽপ দহারাতীর্যেভিস্তপোভিরদহো জরূথম্ ।
প্র নিস্বরং চাতয়স্বামীবাম্ ॥৭॥

1.8

আ যস্তে অগ্ন ইধতে অনীকং বসিষ্ঠ শুক্র দীদিবঃ পাবক ।
উতো ন এভিঃ স্তবথৈরিহ স্যাঃ ॥৮॥

1.9

বি যে তে অগ্নে ভেজিরে অনীকং মর্তা নরঃ পিত্র্যাসঃ পুরুত্রা ।
উতো ন এভিঃ সুমনা ইহ স্যাঃ ॥৯॥

1.10

ইমে নরো বৃত্রহত্যেষু শূরা বিশ্বা অদেবীরভি সন্তু মায়াঃ ।
যে মে ধিয়ং পনয়ন্ত প্রশস্তাম্ ॥১০॥

1.11

মা শূনে অগ্নে নি ষদাম নৃণাং মাশেষসোঽবীরতা পরি ত্বা ।
প্রজাবতীষু দুর্যাসু দুর্য ॥১১॥

1.12

যমশ্বী নিত্যমুপয়াতি যজ্ঞং প্রজাবন্তং স্বপত্যং ক্ষয়ং নঃ ।
স্বজন্মনা শেষসা বাবৃধানম্ ॥১২॥

1.13

পাহি নো অগ্নে রক্ষসো অজুষ্টাত্পাহি ধূর্তেরররুষো অঘায়োঃ ।
ত্বা যুজা পৃতনায়ূঁরভি ষ্যাম্ ॥১৩॥

1.14

সেদগ্নিরগ্নীঁরত্যস্ত্বন্যান্যত্র বাজী তনয়ো বীলুপাণিঃ ।
সহস্রপাথা অক্ষরা সমেতি ॥১৪॥

1.15

সেদগ্নির্যো বনুষ্যতো নিপাতি সমেদ্ধারমংহস উরুষ্যাৎ ।
সুজাতাসঃ পরি চরন্তি বীরাঃ ॥১৫॥

1.16

অয়ং সো অগ্নিরাহুতঃ পুরুত্রা যমীশানঃ সমিদিন্ধে হবিষ্মান্ ।
পরি যমেত্যধ্বরেষু হোতা ॥১৬॥

1.17

ত্বে অগ্ন আহবনানি ভূরীশানাস আ জুহুয়াম নিত্যা । উভা কৃণ্বন্তো বহতূ মিয়েধে ॥১৭॥

1.18

ইমো অগ্নে বীততমানি হব্যা ঽজস্রো বক্ষি দেবতাতিমচ্ছ । প্রতি ন ঈং সুরভীণি ব্যন্তু ॥১৮॥

1.19

মা নো অগ্নেঽবীরতে পরা দা দুর্বাসসেঽমতয়ে মা নো অস্যৈ ।
মা নঃ ক্ষুধে মা রক্ষস ঋতাবো মা নো দমে মা বন আ জুহূর্থাঃ ॥১৯॥

1.20

নূ মে ব্রহ্মাণ্যগ্ন উচ্ছশাধি ত্বং দেব মঘবদ্ভ্যঃ সুষূদঃ ।
রাতৌ স্যামোভয়াস আ তে যূয়ং পাত স্বস্তিভিঃ সদা নঃ ॥২০॥

1.21

ত্বমগ্নে সুহবো রণ্বসংদৃক্সুদীতী সূনো সহসো দিদীহি ।
মা ত্বে সচা তনয়ে নিত্য আ ধঙ্মা বীরো অস্মন্নর্যো বি দাসীৎ ॥২১॥

1.22

মা নো অগ্নে দুর্ভৃতয়ে সচৈষু দেবেদ্ধেষ্বগ্নিষু প্র বোচঃ ।
মা তে অস্মান্দুর্মতয়ো ভৃমাচ্চিদ্দেবস্য সূনো সহসো নশন্ত ॥২২॥

1.23

স মর্তো অগ্নে স্বনীক রেবানমর্ত্যে য আজুহোতি হব্যম্ ।
স দেবতা বসুবনিং দধাতি যং সূরিরর্থী পৃচ্ছমান এতি ॥২৩॥

1.24

মহো নো অগ্নে সুবিতস্য বিদ্বান্রয়িং সূরিভ্য আ বহা বৃহন্তম্ ।
যেন বয়ং সহসাবন্মদেমাঽবিক্ষিতাস আয়ুষা সুবীরাঃ ॥২৪॥

1.25

নূ মে ব্রহ্মাণ্যগ্ন উচ্ছশাধি ত্বং দেব মঘবদ্ভ্যঃ সুষূদঃ ।
রাতৌ স্যামোভয়াস আ তে যূয়ং পাত স্বস্তিভিঃ সদা নঃ ॥২৫॥