সূক্ত 5

5.1

৭ বার্হস্পত্যো ভরদ্বাজঃ । অগ্নি : ।ত্রিষ্টুপ্ ।

হুবে বঃ সূনুং সহসো যুবানমদ্রোঘবাচং মতিভির্যবিষ্ঠম্ ।
য ইন্বতি দ্রবিণানি প্রচেতা বিশ্ববারাণি পুরুবারো অধ্রুক্ ॥১॥

5.2

ত্বে বসূনি পুর্বণীক হোতর্দোষা বস্তোরেরিরে যজ্ঞিয়াসঃ ।
ক্ষামেব বিশ্বা ভুবনানি যস্মিন্ ত্সং সৌভগানি দধিরে পাবকে ॥২॥

5.3

ত্বং বিক্ষু প্রদিবঃ সীদ আসু ক্রত্বা রথীরভবো বার্যাণাম্ ।
অত ইনোষি বিধতে চিকিত্বো ব্যানুষগ্জাতবেদো বসূনি ॥৩॥

5.4

যো নঃ সনুত্যো অভিদাসদগ্নে যো অন্তরো মিত্রমহো বনুষ্যাৎ ।
তমজরেভির্বৃষভিস্তব স্বৈস্তপা তপিষ্ঠ তপসা তপস্বান্ ॥৪॥

5.5

যস্তে যজ্ঞেন সমিধা য উক্থৈরর্কেভিঃ সূনো সহসো দদাশৎ ।
স মর্ত্যেষ্বমৃত প্রচেতা রায়া দ্যুম্নেন শ্রবসা বি ভাতি ॥৫॥

5.6

স তৎ কৃধীষিতস্তূয়মগ্নে স্পৃধো বাধস্ব সহসা সহস্বান্ ।
যচ্ছস্যসে দ্যুভিরক্তো বচোভিস্তজ্জুষস্ব জরিতুর্ঘোষি মন্ম ॥৬॥

5.7

অশ্যাম তং কামমগ্নে তবোতী অশ্যাম রয়িং রয়িবঃ সুবীরম্ ।
অশ্যাম বাজমভি বাজয়ন্তো ঽশ্যাম দ্যুম্নমজরাজরং তে ॥৭॥