সূক্ত 49

49.1

১৫ ঋজিশ্বা ভারদ্বাজঃ । বিশ্বে দেবাঃ ।ত্রিষ্টুপ্ , ১৫ শক্বরী ।

স্তুষে জনং সুব্রতং নব্যসীভির্গীর্ভির্মিত্রাবরুণা সুম্নয়ন্তা ।
ত আ গমন্তু ত ইহ শ্রুবন্তু সুক্ষত্রাসো বরুণো মিত্রো অগ্নিঃ ॥১॥

বিশোবিশ ঈড্যমধ্বরেষ্বদৃপ্তক্রতুমরতিং যুবত্যোঃ ।
দিবঃ শিশুং সহসঃ সূনুমগ্নিং যজ্ঞস্য কেতুমরুষং যজধ্যৈ ॥২॥

অরুষস্য দুহিতরা বিরূপে স্তৃভিরন্যা পিপিশে সূরো অন্যা ।
মিথস্তুরা বিচরন্তী পাবকে মন্ম শ্রুতং নক্ষত ঋচ্যমানে ॥৩॥

প্র বায়ুমচ্ছা বৃহতী মনীষা বৃহদ্রয়িং বিশ্ববারং রথপ্রাম্ ।
দ্যুতদ্যামা নিয়ুতঃ পত্যমানঃ কবিঃ কবিমিয়ক্ষসি প্রয়জ্যো ॥৪॥

স মে বপুশ্ছদয়দশ্বিনোর্যো রথো বিরুক্মান্মনসা যুজানঃ ।
যেন নরা নাসত্যেষয়ধ্যৈ বর্তির্যাথস্তনয়ায় ত্মনে চ ॥৫॥

পর্জন্যবাতা বৃষভা পৃথিব্যাঃ পুরীষাণি জিন্বতমপ্যানি ।
সত্যশ্রুতঃ কবয়ো যস্য গীর্ভির্জগতঃ স্থাতর্জগদা কৃণুধ্বম্ ॥৬॥

পাবীরবী কন্যা চিত্রায়ুঃ সরস্বতী বীরপত্নী ধিয়ং ধাৎ ।
গ্নাভিরচ্ছিদ্রং শরণং সজোষা দুরাধর্ষং গৃণতে শর্ম যংসৎ ॥৭॥

পথস্পথঃ পরিপতিং বচস্যা কামেন কৃতো অভ্যানলর্কম্ ।
স নো রাসচ্ছুরুধশ্চন্দ্রাগ্রা ধিয়ংধিয়ং সীষধাতি প্র পূষা ॥৮॥

প্রথমভাজং যশসং বয়োধাং সুপাণিং দেবং সুগভস্তিমৃভ্বম্ ।
হোতা যক্ষদ্যজতং পস্ত্যানামগ্নিস্ত্বষ্টারং সুহবং বিভাবা ॥৯॥

ভুবনস্য পিতরং গীর্ভিরাভী রুদ্রং দিবা বর্ধয়া রুদ্রমক্তৌ ।
বৃহন্তমৃষ্বমজরং সুষুম্নমৃধগ্ঘুবেম কবিনেষিতাসঃ ॥১০॥

আ যুবানঃ কবয়ো যজ্ঞিয়াসো মরুতো গন্ত গৃণতো বরস্যাম্ ।
অচিত্রং চিদ্ধি জিন্বথা বৃধন্ত ইত্থা নক্ষন্তো নরো অঙ্গিরস্বৎ ॥১১॥

প্র বীরায় প্র তবসে তুরায়াঽজা যূথেব পশুরক্ষিরস্তম্ ।
স পিস্পৃশতি তন্বি শ্রুতস্য স্তৃভির্ন নাকং বচনস্য বিপঃ ॥১২॥

যো রজাংসি বিমমে পার্থিবানি ত্রিশ্চিদ্বিষ্ণুর্মনবে বাধিতায় ।
তস্য তে শর্মন্নুপদদ্যমানে রায়া মদেম তন্বা৩ তনা চ ॥১৩॥

তন্নোঽহির্বুধ্ন্যো অদ্ভিরর্কৈস্তত্পর্বতস্তত্সবিতা চনো ধাৎ ।
তদোষধীভিরভি রাতিষাচো ভগঃ পুরংধির্জিন্বতু প্র রায়ে ॥১৪॥

নূ নো রয়িং রথ্যং চর্ষণিপ্রাং পুরুবীরং মহ ঋতস্য গোপাম্ ।
ক্ষয়ং দাতাজরং যেন জনান্ত্স্পৃধো অদেবীরভি চ ক্রমাম বিশ আদেবীরভ্য১শ্নবাম ॥১৫॥