সূক্ত 87

87.1

৯ এবয়ামরুদাত্রেয়ঃ। মরুতঃ। অতিজগতী।

প্র বো মহে মতয়ো যন্তু বিষ্ণবে মরুত্বতে গিরিজা এবয়ামরুৎ ।
প্র শর্ধায় প্রয়জ্যবে সুখাদয়ে তবসে ভন্দদিষ্টয়ে ধুনিব্রতায় শবসে ॥১॥

প্র যে জাতা মহিনা যে চ নু স্বয়ং প্র বিদ্মনা ব্রুবত এবয়ামরুৎ ।
ক্রত্বা তদ্ বো মরুতো নাধৃষে শবো দানা মহ্না তদেষামধৃষ্টাসো নাদ্রয়ঃ ॥২॥

প্র যে দিবো বৃহতঃ শৃণ্বিরে গিরা সুশুক্বানঃ সুভ্ব এবয়ামরুৎ ।
ন যেষামিরী সধস্থ ঈষ্ট আঁ অগ্নয়ো ন স্ববিদ্যুতঃ প্র স্যন্দ্রাসো ধুনীনাম্ ॥৩॥

স চক্রমে মহতো নিরুরুক্রমঃ সমানস্মাৎ সদস এবয়ামরুৎ ।
যদায়ুক্ত ত্মনা স্বাদধি ষ্ণুভির্বিষ্পর্ধসো বিমহসো জিগাতি শেবৃধো নৃভিঃ ॥৪॥

স্বনো ন বোঽমবান্ রেজয়দ্ বৃষা ত্বেষো যয়িস্তবিষ এবয়ামরুৎ ।
যেনা সহন্ত ঋঞ্জত স্বরোচিষঃ স্থারশ্মানো হিরণ্যয়াঃ স্বায়ুধাস ইষ্মিণঃ ॥৫॥

অপারো বো মহিমা বৃদ্ধশবসস্ত্বেষং শবোঽবত্বেবয়ামরুৎ ।
স্থাতারো হি প্রসিতৌ সংদৃশি স্থন তে ন উরুষ্যতা নিদঃ শুশুক্বাংসো নাগ্নয়ঃ ॥৬॥

তে রুদ্রাসঃ সুমখা অগ্নয়ো যথা তুবিদ্যুম্না অবন্ত্বেবয়ামরুৎ ।
দীর্ঘং পৃথু পপ্রথে সদ্ম পার্থিবং যেষামজ্মেষ্বা মহঃ শর্ধাংস্যদ্ভুতৈনসাম্ ॥৭॥

অদ্বেষো নো মরুতো গাতুমেতন শ্রোতা হবং জরিতুরেবয়ামরুৎ ।
বিষ্ণোর্মহঃ সমন্যবো যুয়োতন স্মদ্ রথ্যো৩ ন দংসনা ঽপ দ্বেষাংসি সনুতঃ ॥৮॥

গন্তা নো যজ্ঞং যজ্ঞিয়াঃ সুশমি শ্রোতা হবমরক্ষ এবয়ামরুৎ ।
জ্যেষ্ঠাসো ন পর্বতাসো ব্যোমনি যূয়ং তস্য প্রচেতসঃ স্যাত দুর্ধর্তবো নিদঃ ॥৯॥