সূক্ত 86

86.1

ভৌমোঽত্রিঃ।ইন্দ্রাগ্নী। অনুষ্টুপ্, ৬ বিরাট্ পূর্বা।

ইন্দ্রাগ্নী যমবথ উভা বাজেষু মর্ত্যম্ । দৃলহা চিৎ স প্র ভেদতি দ্যুম্না বাণীরিব ত্রিতঃ ॥১॥

86.2

যা পৃতনাসু দুষ্টরা যা বাজেষু শ্রবায্যা । যা পঞ্চ চর্ষণীরভীন্দ্রাগ্নী তা হবামহে ॥২॥

86.3

তয়োরিদমবচ্ছবস্তিগ্মা দিদ্যুন্মঘোনোঃ । প্রতি দ্রুণা গভস্ত্যোর্গবাং বৃত্রঘ্ন এষতে ॥৩॥

86.4

তা বামেষে রথানামিন্দ্রাগ্নী হবামহে । পতী তুরস্য রাধসো বিদ্বাংসা গির্বণস্তমা ॥৪॥

86.5

তা বৃধন্তাবনু দ্যূন্ মর্তায় দেবাবদভা । অর্হন্তা চিৎ পুরো দধেংঽশেব দেবাবর্বতে ॥৫॥

86.6

এবেন্দ্রাগ্নিভ্যামহাবি হব্যং শূষ্যং ঘৃতং ন পূতমদ্রিভিঃ ।
তা সূরিষু শ্রবো বৃহদ্রয়িং গৃণত্সু দিধৃতমিষং গৃণত্সু দিধৃতম্ ॥৬॥