সূক্ত 6

6.1

১০ বসুশ্রুত আত্রেয়ঃ। অগ্নিঃ। পংক্তিঃ।

অগ্নিং তং মন্যে যো বসুরস্তং যং যন্তি ধেনবঃ ।
অস্তমর্বন্ত আশবোঽস্তং নিত্যাসো বাজিন ইষং স্তোতৃভ্য আ ভর ॥১॥

সো অগ্নির্যো বসুর্গৃণে সং যমায়ন্তি ধেনবঃ ।
সমর্বন্তো রঘুদ্রুবঃ সং সুজাতাসঃ সূরয় ইষং স্তোতৃভ্য আ ভর ॥২॥

অগ্নির্হি বাজিনং বিশে দদাতি বিশ্বচর্ষণিঃ ।
অগ্নী রায়ে স্বাভুবং স প্রীতো যাতি বার্যমিষং স্তোতৃভ্য আ ভর ॥৩॥

আ তে অগ্ন ইধীমহি দ্যুমন্তং দেবাজরম্ ।
যদ্ধ স্যা তে পনীয়সী সমিদ্ দীদয়তি দ্যবীষং স্তোতৃভ্য আ ভর ॥৪॥

আ তে অগ্ন ঋচা হবিঃ শুক্রস্য শোচিষস্পতে ।
সুশ্চন্দ্র দস্ম বিশ্পতে হব্যবাট্ তুভ্যং হূয়ত ইষং স্তোতৃভ্য আ ভর ॥৫॥

প্রো ত্যে অগ্নয়োঽগ্নিষু বিশ্বং পুষ্যন্তি বার্যম্ ।
তে হিন্বিরে ত ইন্বিরে ত ইষণ্যন্ত্যানুষগিষং স্তোতৃভ্য আ ভর ॥৬॥

তব ত্যে অগ্নে অর্চয়ো মহি ব্রাধন্ত বাজিনঃ ।
যে পত্বভিঃ শফানাং ব্রজা ভুরন্ত গোনামিষং স্তোতৃভ্য আ ভর ॥৭॥

নবা নো অগ্ন আ ভর স্তোতৃভ্যঃ সুক্ষিতীরিষঃ ।
তে স্যাম য আনৃচুস্ত্বাদূতাসো দমেদম ইষং স্তোতৃভ্য আ ভর ॥৮॥

উভে সুশ্চন্দ্র সর্পিষো দর্বী শ্রীণীষ আসনি ।
উতো ন উৎ পুপূর্যা উক্থেষু শবসস্পত ইষং স্তোতৃভ্য আ ভর ॥৯॥

এবাঁ অগ্নিমজুর্যমুর্গীর্ভির্যজ্ঞেভিরানুষক্ ।
দধদস্মে সুবীর্যমুত ত্যদাশ্বশ্ব্যমিষং স্তোতৃভ্য আ ভর ॥১০॥