সূক্ত 23

23.1

৪ দ্যুম্নো বিশ্বচর্ষণিরাত্রেয়ঃ । অগ্নিঃ। অনুষ্টুপ্, ৪ পংক্তিঃ।

অগ্নে সহন্তমা ভর দ্যুম্নস্য প্রাসহা রয়িম্ । বিশ্বা যশ্চর্ষণীরভ্যা৩সা বাজেষু সাসহৎ ॥১॥

23.2

তমগ্নে পৃতনাষহং রয়িং সহস্ব আ ভর । ত্বং হি সত্যো অদ্ভুতো দাতা বাজস্য গোমতঃ ॥২॥

23.3

বিশ্বে হি ত্বা সজোষসো জনাসো বৃক্তবর্হিষঃ । হোতারং সদ্মসু প্রিয়ং ব্যন্তি বার্যা পুরু ॥৩॥

23.4

স হি ষ্মা বিশ্বচর্ষণিরভিমাতি সহো দধে ।
অগ্ন এষু ক্ষয়েষ্বা রেবন্নঃ শুক্র দীদিহি দ্যুমৎ পাবক দীদিহি ॥৪॥