Sukta 23

23.1

4 dyumno vishvacharshaniratreyah, agnih, anushtup, 4 panktih

अग्ने॒ सह॑न्त॒मा भ॑र द्यु॒म्नस्य॑ प्रा॒सहा॑ र॒यिम् । विश्वा॒ यश्च॑र्ष॒णीर॒भ्या॒३सा वाजे॑षु सा॒सह॑त् ॥१॥

Agne sahantama bhara dyumnasya prasaha rayim, vishva yashcharshanirabhya3sa vajeshu sasahat

तम॑ग्ने पृतना॒षहं॑ र॒यिं स॑हस्व॒ आ भ॑र । त्वं हि स॒त्यो अद्भु॑तो दा॒ता वाज॑स्य॒ गोम॑तः ॥२॥

Tamagne pritanashaham rayim sahasva a bhara, tvam hi satyo adbhuto data vajasya gomatah

विश्वे॒ हि त्वा॑ स॒जोष॑सो॒ जना॑सो वृ॒क्तब॑र्हिषः । होता॑रं॒ सद्म॑सु प्रि॒यं व्यन्ति॒ वार्या॑ पु॒रु ॥३॥

Vishve hi tva sajoshaso janaso vriktabarhishah, hotaram sadmasu priyam vyanti varya puru

स हि ष्मा॑ वि॒श्वच॑र्षणिर॒भिमा॑ति॒ सहो॑ द॒धे ।
अग्न॑ ए॒षु क्षये॒ष्वा रे॒वन्न॑ः शुक्र दीदिहि द्यु॒मत् पा॑वक दीदिहि ॥४॥

Sa hi shma vishvacharshanirabhimati saho dadhe
Agna eshu kshayeshva revannah shukra didihi dyumat pavaka didihi