সূক্ত 20

20.1

৪ প্রয়স্বন্ত আত্রেয়াঃ। অগ্নিঃ। অনুষ্টুপ্, ৪ পংক্তিঃ।

যমগ্নে বাজসাতম ত্বং চিন্ মন্যসে রয়িম্ ।
তং নো গীর্ভিঃ শ্রবায্যং দেবত্রা পনয়া যুজম্ ॥১॥

20.2

যে অগ্নে নেরয়ন্তি তে বৃদ্ধা উগ্রস্য শবসঃ ।
অপ দ্বেষো অপ হ্বরোঽন্যব্রতস্য সশ্চিরে ॥২॥

20.3

হোতারং ত্বা বৃণীমহেঽগ্নে দক্ষস্য সাধনম্ ।
যজ্ঞেষু পূর্ব্যং গিরা প্রয়স্বন্তো হবামহে ॥৩॥

20.4

ইত্থা যথা ত ঊতয়ে সহসাবন্দিবেদিবে ।
রায় ঋতায় সুক্রতো গোভিঃ ষ্যাম সধমাদো বীরৈঃ স্যাম সধমাদঃ ॥৪॥