Sukta 20

20.1

4 prayasvanta atreyah, agnih, anushtup, 4 panktih

यम॑ग्ने वाजसातम॒ त्वं चि॒न् मन्य॑से र॒यिम् ।
तं नो॑ गी॒र्भिः श्र॒वाय्यं॑ देव॒त्रा प॑नया॒ युज॑म् ॥१॥

Yamagne vajasatama tvam chin manyase rayim
Tam no girbhih shravayyam devatra panaya yujam

20.2

ये अ॑ग्ने॒ नेरय॑न्ति ते वृ॒द्धा उ॒ग्रस्य॒ शव॑सः ।
अप॒ द्वेषो॒ अप॒ ह्वरो॒ऽन्यव्र॑तस्य सश्चिरे ॥२॥

Ye agne nerayanti te vriddha ugrasya shavasah
Apa dvesho apa hvaronyavratasya sashchire

20.3

होता॑रं त्वा वृणीम॒हेऽग्ने॒ दक्ष॑स्य॒ साध॑नम् ।
य॒ज्ञेषु॑ पू॒र्व्यं गि॒रा प्रय॑स्वन्तो हवामहे ॥३॥

Hotaram tva vrinimahegne dakshasya sadhanam
Yagyeshu purvyam gira prayasvanto havamahe

20.4

इ॒त्था यथा॑ त ऊ॒तये॒ सह॑सावन्दि॒वेदि॑वे ।
रा॒य ऋ॒ताय॑ सुक्रतो॒ गोभि॑ः ष्याम सध॒मादो॑ वी॒रैः स्या॑म सध॒माद॑ः ॥४॥

Ittha yatha ta utaye sahasavandivedive
Raya ritaya sukrato gobhih shyama sadhamado viraih syama sadhamadah