Utshovসূক্ত 1
1.1
১২ বুধগবিষ্ঠিরাবাত্রেয়ৌ। অগ্নিঃ। ত্রিষ্টুপ্।অবোধ্যগ্নিঃ সমিধা জনানাং প্রতি ধেনুমিবায়তীমুষাসম্ । যহ্বা ইব প্র বয়ামুজ্জিহানাঃ প্র ভানবঃ সিস্রতে নাকমচ্ছ ॥১॥
1.2
অবোধি হোতা যজথায় দেবানূর্ধ্বো অগ্নিঃ সুমনাঃ প্রাতরস্থাৎ । সমিদ্ধস্য রুশদদর্শি পাজো মহান্ দেবস্তমসো নিরমোচি ॥২॥
1.3
যদীং গণস্য রশনামজীগঃ শুচিরঙ্ক্তে শুচিভির্গোভিরগ্নিঃ । আদ্ দক্ষিণা যুজ্যতে বাজয়ন্ত্যুত্তানামূর্ধ্বো অধয়জ্জুহূভিঃ ॥৩॥
1.4
অগ্নিমচ্ছা দেবয়তাং মনাংসি চক্ষূংষীব সূর্যে সং চরন্তি । যদীং সুবাতে উষসা বিরূপে শ্বেতো বাজী জায়তে অগ্রে অহ্নাম্ ॥৪॥
1.5
জনিষ্ট হি জেন্যো অগ্রে অহ্নাং হিতো হিতেষ্বরুষো বনেষু । দমেদমে সপ্ত রত্না দধানোঽগ্নির্হোতা নি ষসাদা যজীয়ান্ ॥৫॥
1.6
অগ্নির্হোতা ন্যসীদদ্ যজীয়ানুপস্থে মাতুঃ সুরভা উ লোকে । যুবা কবিঃ পুরুনিষ্ঠ ঋতাবা ধর্তা কৃষ্টীনামুত মধ্য ইদ্ধঃ ॥৬॥
1.7
প্র ণু ত্যং বিপ্রমধ্বরেষু সাধুমগ্নিং হোতারমীলতে নমোভিঃ । আ যস্ততান রোদসী ঋতেন নিত্যং মৃজন্তি বাজিনং ঘৃতেন ॥৭॥
1.8
মার্জাল্যো মৃজ্যতে স্বে দমূনাঃ কবিপ্রশস্তো অতিথিঃ শিবো নঃ । সহস্রশৃঙ্গো বৃষভস্তদোজা বিশ্বাঁ অগ্নে সহসা প্রাস্যন্যান্ ॥৮॥
1.9
প্র সদ্যো অগ্নে অত্যেষ্যন্যানাবির্যস্মৈ চারুতমো বভূথ । ঈলেন্যো বপুষ্যো বিভাবা প্রিয়ো বিশামতিথির্মানুষীণাম্ ॥৯॥
1.10
তুভ্যং ভরন্তি ক্ষিতয়ো যবিষ্ঠ বলিমগ্নে অন্তিত ওত দূরাৎ । আ ভন্দিষ্ঠস্য সুমতিং চিকিদ্ধি বৃহৎ তে অগ্নে মহি শর্ম ভদ্রম্ ॥১০॥
1.11
আদ্য রথং ভানুমো ভানুমন্তমগ্নে তিষ্ঠ যজতেভিঃ সমন্তম্ । বিদ্বান্ পথীনামুর্ব১ন্তরিক্ষমেহ দেবান্ হবিরদ্যায় বক্ষি ॥১১॥
1.12
অবোচাম কবয়ে মেধ্যায় বচো বন্দারু বৃষভায় বৃষ্ণে । গবিষ্ঠিরো নমসা স্তোমমগ্নৌ দিবীব রুক্মমুরুব্যঞ্চমশ্রেৎ ॥১২॥