সূক্ত 49

49.1

৬ বামদেবো গৌতমঃ। ইন্দ্রাবৃহস্পতী। গায়ত্রী।

ইদং বামাস্যে হবিঃ প্রিয়মিন্দ্রাবৃহস্পতী । উক্থং মদশ্চ শস্যতে ॥১॥

49.2

অয়ং বাং পরি ষিচ্যতে সোম ইন্দ্রাবৃহস্পতী । চারুর্মদায় পীতয়ে ॥২॥

49.3

আ ন ইন্দ্রাবৃহস্পতী গৃহমিন্দ্রশ্চ গচ্ছতম্ । সোমপা সোমপীতয়ে ॥৩॥

49.4

অস্মে ইন্দ্রাবৃহস্পতী রয়িং ধত্তং শতগ্বিনম্ । অশ্বাবন্তং সহস্রিণম্ ॥৪॥

49.5

ইন্দ্রাবৃহস্পতী বয়ং সুতে গীর্ভির্হবামহে । অস্য সোমস্য পীতয়ে ॥৫॥

49.6

সোমমিন্দ্রাবৃহস্পতী পিবতং দাশুষো গৃহে । মাদয়েথাং তদোকসা ॥৬॥