সূক্ত 42

42.1

৯ গাথিনো বিশ্বামিত্রঃ। ইন্দ্রঃ। গায়ত্রী।

উপ নঃ সুতমা গহি সোমমিন্দ্র গবাশিরম্ । হরিভ্যাং যস্তে অস্ময়ুঃ ॥১॥

42.2

তমিন্দ্র মদমা গহি বর্হিঃষ্ঠাং গ্রাবভিঃ সুতম্ । কুবিন্ন্বস্য তৃপ্ণবঃ ॥২॥

42.3

ইন্দ্রমিত্থা গিরো মমাচ্ছাগুরিষিতা ইতঃ । আবৃতে সোমপীতয়ে ॥৩॥

42.4

ইন্দ্রং সোমস্য পীতয়ে স্তোমৈরিহ হবামহে । উক্থেভিঃ কুবিদাগমৎ ॥৪॥

42.5

ইন্দ্র সোমাঃ সুতা ইমে তান্ দধিষ্ব শতক্রতো । জঠরে বাজিনীবসো ॥৫॥

42.6

বিদ্মা হি ত্বা ধনংজয়ং বাজেষু দধৃষং কবে । অধা তে সুম্নমীমহে ॥৬॥

42.7

ইমমিন্দ্র গবাশিরং যবাশিরং চ নঃ পিব । আগত্যা বৃষভিঃ সুতম্ ॥৭॥

42.8

তুভ্যেদিন্দ্র স্ব ওক্যে৩ সোমং চোদামি পীতয়ে । এষ রারন্তু তে হৃদি ॥৮॥

42.9

ত্বাং সুতস্য পীতয়ে প্রত্নমিন্দ্র হবামহে । কুশিকাসো অবস্যবঃ ॥৯॥