সূক্ত 13

13.1

১৩ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। ইন্দ্রঃ। জগতী, ১৩ ত্রিষ্টুপ্।

ঋতুর্জনিত্রী তস্যা অপস্পরি মক্ষূ জাত আবিশদ্ যাসু বর্ধতে ।
তদাহনা অভবৎ পিপ্যুষী পয়োং ঽশোঃ পীয়ূষং প্রথমং তদুক্থ্যম্ ॥১॥

13.2

সধ্রীমা যন্তি পরি বিভ্রতীঃ পয়ো বিশ্বপ্স্ন্যায় প্র ভরন্ত ভোজনম্ ।
সমানো অধ্বা প্রবতামনুষ্যদে যস্তাকৃণোঃ প্রথমং সাস্যুক্থ্যঃ ॥২॥

13.3

অন্বেকো বদতি যদ্ দদাতি তদ্ রূপা মিনন্তদপা এক ঈয়তে ।
বিশ্বা একস্য বিনুদস্তিতিক্ষতে যস্তাকৃণোঃ প্রথমং সাস্যুক্থ্যঃ ॥৩॥

13.4

প্রজাভ্যঃ পুষ্টিং বিভজন্ত আসতে রয়িমিব পৃষ্ঠং প্রভবন্তমায়তে ।
অসিন্বন্ দংষ্ট্রৈঃ পিতুরত্তি ভোজনং যস্তাকৃণোঃ প্রথমং সাস্যুক্থ্যঃ ॥৪॥

13.5

অধাকৃণোঃ পৃথিবীং সংদৃশে দিবে যো ধৌতীনামহিহন্নারিণক্ পথঃ ।
তং ত্বা স্তোমেভিরুদভির্ন বাজিনং দেবং দেবা অজনন্ ত্সাস্যুক্থ্যঃ ॥৫॥

13.6

যো ভোজনং চ দয়সে চ বর্ধনমার্দ্রাদা শুষ্কং মধুমদ্ দুদোহিথ ।
স শেবধিং নি দধিষে বিবস্বতি বিশ্বস্যৈক ঈশিষে সাস্যুক্থ্যঃ ॥৬॥

13.7

যঃ পুষ্পিণীশ্চ প্রস্বশ্চ ধর্মণা ঽধি দানে ব্য১বনীরধারয়ঃ ।
যশ্চাসমা অজনো দিদ্যুতো দিব উরুরূর্বাঁ অভিতঃ সাস্যুক্থ্যঃ ॥৭॥

13.8

যো নার্মরং সহবসুং নিহন্তবে পৃক্ষায় চ দাসবেশায় চাবহঃ ।
ঊর্জয়ন্ত্যা অপরিবিষ্টমাস্যমুতৈবাদ্য পুরুকৃৎ সাস্যুক্থ্যঃ ॥৮॥

13.9

শতং বা যস্য দশ সাকমাদ্য একস্য শ্রুষ্টৌ যদ্ধ চোদমাবিথ ।
অরজ্জৌ দস্যূন্ ত্সমুনব্দভীতয়ে সুপ্রাব্যো অভবঃ সাস্যুক্থ্যঃ ॥৯॥

13.10

বিশ্বেদনু রোধনা অস্য পৌংস্যং দদুরস্মৈ দধিরে কৃত্নবে ধনম্ ।
ষলস্তভ্না বিষ্টিরঃ পঞ্চ সংদৃশঃ পরি পরো অভবঃ সাস্যুক্থ্যঃ ॥১০॥

13.11

সুপ্রবাচনং তব বীর বীর্যং১ যদেকেন ক্রতুনা বিন্দসে বসু ।
জাতূষ্ঠিরস্য প্র বয়ঃ সহস্বতো যা চকর্থ সেন্দ্র বিশ্বাস্যুক্থ্যঃ ॥১১॥

13.12

অরময়ঃ সরপসস্তরায় কং তুর্বীতয়ে চ বয্যায় চ স্রুতিম্ ।
নীচা সন্তমুদনয়ঃ পরাবৃজং প্রান্ধং শ্রোণং শ্রবয়ন্ ত্সাস্যুক্থ্যঃ ॥১২॥

13.13

অস্মভ্যং তদ্ বসো দানায় রাধঃ সমর্থয়স্ব বহু তে বসব্যম্ ।
ইন্দ্র যচ্চিত্রং শ্রবস্যা অনু দ্যূন্ বৃহদ্বদেম বিদথে সুবীরাঃ ॥১৩॥