সূক্ত 98

98.1

১২ আর্ষ্টিষেণো দেবাপিঃ (বৃষ্টিকামঃ) । দেবাঃ। ত্রিষ্টুপ্।

বৃহস্পতে প্রতি মে দেবতামিহি মিত্রো বা যদ্বরুণো বাসি পূষা ।
আদিত্যৈর্বা যদ্বসুভির্মরুত্বান্ত্স পর্জন্যং শংতনবে বৃষায় ॥১॥

98.2

আ দেবো দূতো অজিরশ্চিকিত্বান্ত্বদ্দেবাপে অভি মামগচ্ছৎ ।
প্রতীচীনঃ প্রতি মামা ববৃত্স্ব দধামি তে দ্যুমতীং বাচমাসন্ ॥২॥

98.3

অস্মে ধেহি দ্যুমতীং বাচমাসন্বৃহস্পতে অনমীবামিষিরাম্ ।
যয়া বৃষ্টিং শংতনবে বনাব দিবো দ্রপ্সো মধুমাঁ আ বিবেশ ॥৩॥

98.4

আ নো দ্রপ্সা মধুমন্তো বিশন্ত্বিন্দ্র দেহ্যধিরথং সহস্রম্ ।
নি ষীদ হোত্রমৃতুথা যজস্ব দেবান্দেবাপে হবিষা সপর্য ॥৪॥

98.5

আর্ষ্টিষেণো হোত্রমৃষির্নিষীদন্দেবাপির্দেবসুমতিং চিকিত্বান্ ।
স উত্তরস্মাদধরং সমুদ্রমপো দিব্যা অসৃজদ্বর্ষ্যা অভি ॥৫॥

98.6

অস্মিন্ত্সমুদ্রে অধ্যুত্তরস্মিন্নাপো দেবেভির্নিবৃতা অতিষ্ঠন্ ।
তা অদ্রবন্নার্ষ্টিষেণেন সৃষ্টা দেবাপিনা প্রেষিতা মৃক্ষিণীষু ॥৬॥

98.7

যদ্দেবাপিঃ শংতনবে পুরোহিতো হোত্রায় বৃতঃ কৃপয়ন্নদীধেৎ ।
দেবশ্রুতং বৃষ্টিবনিং ররাণো বৃহস্পতির্বাচমস্মা অয়চ্ছৎ ॥৭॥

98.8

যং ত্বা দেবাপিঃ শুশুচানো অগ্ন আর্ষ্টিষেণো মনুষ্যঃ সমীধে ।
বিশ্বেভির্দেবৈরনুমদ্যমানঃ প্র পর্জন্যমীরয়া বৃষ্টিমন্তম্ ॥৮॥

98.9

ত্বাং পূর্ব ঋষয়ো গীর্ভিরায়ন্ত্বামধ্বরেষু পুরুহূত বিশ্বে ।
সহস্রাণ্যধিরথান্যস্মে আ নো যজ্ঞং রোহিদশ্বোপ যাহি ॥৯॥

98.10

এতান্যগ্নে নবতির্নব ত্বে আহুতান্যধিরথা সহস্রা ।
তেভির্বর্ধস্ব তন্বঃ শূর পূর্বীর্দিবো নো বৃষ্টিমিষিতো রিরীহি ॥১০॥

98.11

এতান্যগ্নে নবতিং সহস্রা সং প্র যচ্ছ বৃষ্ণ ইন্দ্রায় ভাগম্ ।
বিদ্বান্পথ ঋতুশো দেবয়ানানপ্যৌলানং দিবি দেবেষু ধেহি ॥১১॥

98.12

অগ্নে বাধস্ব বি মৃধো বি দুর্গহাঽপামীবামপ রক্ষাংসি সেধ ।
অস্মাত্সমুদ্রাদ্বৃহতো দিবো নোঽপাং ভূমানমুপ নঃ সৃজেহ ॥১২॥