সূক্ত 86

86.1

(২৩) ইন্দ্রঃ, ৭,১৩,২৩ ঐন্দ্রো বৃষাকপিঃ, ২-৬,৯-১০,১৫-১৮ ইন্দ্রাণী। ইন্দ্রঃ। পংক্তিঃ।

বি হি সোতোরসৃক্ষত নেন্দ্রং দেবমমংসত ।
যত্রামদদ্বৃষাকপিরর্যঃ পুষ্টেষু মত্সখা বিশ্বস্মাদিন্দ্র উত্তরঃ ॥১॥

86.2

পরা হীন্দ্র ধাবসি বৃষাকপেরতি ব্যথিঃ ।
নো অহ প্র বিন্দস্যন্যত্র সোমপীতয়ে বিশ্বস্মাদিন্দ্র উত্তরঃ ॥২॥

86.3

কিময়ং ত্বাং বৃষাকপিশ্চকার হরিতো মৃগঃ ।
যস্মা ইরস্যসীদু ন্ব১র্যো বা পুষ্টিমদ্বসু বিশ্বস্মাদিন্দ্র উত্তরঃ ॥৩॥

86.4

যমিমং ত্বং বৃষাকপিং প্রিয়মিন্দ্রাভিরক্ষসি ।
শ্বা ন্বস্য জম্ভিষদপি কর্ণে বরাহয়ুর্বিশ্বস্মাদিন্দ্র উত্তরঃ ॥৪॥

86.5

প্রিয়া তষ্টানি মে কপির্ব্যক্তা ব্যদূদুষৎ ।
শিরো ন্বস্য রাবিষং ন সুগং দুষ্কৃতে ভুবং বিশ্বস্মাদিন্দ্র উত্তরঃ ॥৫॥

86.6

ন মত্স্ত্রী সুভসত্তরা ন সুয়াশুতরা ভুবৎ ।
ন মত্প্রতিচ্যবীয়সী ন সক্থ্যুদ্যমীয়সী বিশ্বস্মাদিন্দ্র উত্তরঃ ॥৬॥

86.7

উবে অম্ব সুলাভিকে যথেবাঙ্গ ভবিষ্যতি ।
ভসন্মে অম্ব সক্থি মে শিরো মে বীব হৃষ্যতি বিশ্বস্মাদিন্দ্র উত্তরঃ ॥৭॥

86.8

কিং সুবাহো স্বঙ্গুরে পৃথুষ্টো পৃথুজাঘনে ।
কিং শূরপত্নি নস্ত্বমভ্যমীষি বৃষাকপিং বিশ্বস্মাদিন্দ্র উত্তরঃ ॥৮॥

86.9

অবীরামিব মাময়ং শরারুরভি মন্যতে ।
উতাহমস্মি বীরিণীন্দ্রপত্নী মরুত্সখা বিশ্বস্মাদিন্দ্র উত্তরঃ ॥৯॥

86.10

সংহোত্রং স্ম পুরা নারী সমনং বাব গচ্ছতি ।
বেধা ঋতস্য বীরিণীন্দ্রপত্নী মহীয়তে বিশ্বস্মাদিন্দ্র উত্তরঃ ॥১০॥

86.11

ইন্দ্রাণীমাসু নারিষু সুভগামহমশ্রবম্ ।
নহ্যস্যা অপরং চন জরসা মরতে পতির্বিশ্বস্মাদিন্দ্র উত্তরঃ ॥১১॥

86.12

নাহমিন্দ্রাণি রারণ সখ্যুর্বৃষাকপেৠতে ।
যস্যেদমপ্যং হবিঃ প্রিয়ং দেবেষু গচ্ছতি বিশ্বস্মাদিন্দ্র উত্তরঃ ॥১২॥

86.13

বৃষাকপায়ি রেবতি সুপুত্র আদু সুস্নুষে ।
ঘসত্ত ইন্দ্র উক্ষণঃ প্রিয়ং কাচিত্করং হবির্বিশ্বস্মাদিন্দ্র উত্তরঃ ॥১৩॥

86.14

উক্ষ্ণো হি মে পঞ্চদশ সাকং পচন্তি বিংশতিম্ ।
উতাহমদ্মি পীব ইদুভা কুক্ষী পৃণন্তি মে বিশ্বস্মাদিন্দ্র উত্তরঃ ॥১৪॥

86.15

বৃষভো ন তিগ্মশৃঙ্গোঽন্তর্যূথেষু রোরুবৎ ।
মন্থস্ত ইন্দ্র শং হৃদে যং তে সুনোতি ভাবয়ুর্বিশ্বস্মাদিন্দ্র উত্তরঃ ॥১৫॥

86.16

ন সেশে যস্য রম্বতেঽন্তরা সক্থ্যা৩ কপৃৎ ।
সেদীশে যস্য রোমশং নিষেদুষো বিজৃম্ভতে বিশ্বস্মাদিন্দ্র উত্তরঃ ॥১৬॥

86.17

ন সেশে যস্য রোমশং নিষেদুষো বিজৃম্ভতে ।
সেদীশে যস্য রম্বতেঽন্তরা সক্থ্যা৩ কপৃদ্বিশ্বস্মাদিন্দ্র উত্তরঃ ॥১৭॥

86.18

অয়মিন্দ্র বৃষাকপিঃ পরস্বন্তং হতং বিদৎ ।
অসিং সূনাং নবং চরুমাদেধস্যান আচিতং বিশ্বস্মাদিন্দ্র উত্তরঃ ॥১৮॥

86.19

অয়মেমি বিচাকশদ্বিচিন্বন্দাসমার্যম্ ।
পিবামি পাকসুত্বনোঽভি ধীরমচাকশং বিশ্বস্মাদিন্দ্র উত্তরঃ ॥১৯॥

86.20

ধন্ব চ যত্কৃন্তত্রং চ কতি স্বিত্তা বি যোজনা ।
নেদীয়সো বৃষাকপেঽস্তমেহি গৃহাঁ উপ বিশ্বস্মাদিন্দ্র উত্তরঃ ॥২০॥

86.21

পুনরেহি বৃষাকপে সুবিতা কল্পয়াবহৈ ।
য এষ স্বপ্ননংশনোঽস্তমেষি পথা পুনর্বিশ্বস্মাদিন্দ্র উত্তরঃ ॥২১॥

86.22

যদুদঞ্চো বৃষাকপে গৃহমিন্দ্রাজগন্তন ।
ক্ব১ স্য পুল্বঘো মৃগঃ কমগঞ্জনয়োপনো বিশ্বস্মাদিন্দ্র উত্তরঃ ॥২২॥

86.23

পর্শুর্হ নাম মানবী সাকং সসূব বিংশতিম্ ।
ভদ্রং ভল ত্যস্যা অভূদ্যস্যা উদরমাময়দ্বিশ্বস্মাদিন্দ্র উত্তরঃ ॥২৩॥