সূক্ত 72

72.1

৯ লৌক্যো বৃহস্পতিঃ, বৃহস্পতিরাংগিরসো বা, দাক্ষায়ণী অদিতির্বা। দেবাঃ। অনুষ্টুপ্।

দেবানাং নু বয়ং জানা প্র বোচাম বিপন্যয়া । উক্থেষু শস্যমানেষু যঃ পশ্যাদুত্তরে যুগে ॥১॥

72.2

ব্রহ্মণস্পতিরেতা সং কর্মার ইবাধমৎ । দেবানাং পূর্ব্যে যুগেঽসতঃ সদজায়ত ॥২॥

72.3

দেবানাং যুগে প্রথমেঽসতঃ সদজায়ত । তদাশা অন্বজায়ন্ত তদুত্তানপদস্পরি ॥৩॥

72.4

ভূর্জজ্ঞ উত্তানপদো ভুব আশা অজায়ন্ত । অদিতের্দক্ষো অজায়ত দক্ষাদ্বদিতিঃ পরি ॥৪॥

72.5

অদিতির্হ্যজনিষ্ট দক্ষ যা দুহিতা তব । তাং দেবা অন্বজায়ন্ত ভদ্রা অমৃতবন্ধবঃ ॥৫॥

72.6

যদ্দেবা অদঃ সলিলে সুসংরব্ধা অতিষ্ঠত । অত্রা বো নৃত্যতামিব তীব্রো রেণুরপায়ত ॥৬॥

72.7

যদ্দেবা যতয়ো যথা ভুবনান্যপিন্বত । অত্রা সমুদ্র আ গূল্হমা সূর্যমজভর্তন ॥৭॥

72.8

অষ্টৌ পুত্রাসো অদিতের্যে জাতাস্তন্ব১স্পরি । দেবাঁ উপ প্রৈত্সপ্তভিঃ পরা মার্তাণ্ডমাস্যৎ ॥৮॥

72.9

সপ্তভিঃ পুত্রৈরদিতিরুপ প্রৈত্পূর্ব্যং যুগম্ । প্রজায়ৈ মৃত্যবে ত্বত্পুনর্মার্তাণ্ডমাভরৎ ॥৯॥