সূক্ত 57

57.1

৬ বন্ধুঃ শ্রুতবন্ধুর্বিপ্রবন্ধুর্গৌপায়নাঃ।বিশ্বেদেবাঃ। গায়ত্রী।

মা প্র গাম পথো বয়ং মা যজ্ঞাদিন্দ্র সোমিনঃ । মান্ত স্থুর্নো অরাতয়ঃ ॥১॥

57.2

যো যজ্ঞস্য প্রসাধনস্তন্তুর্দেবেষ্বাততঃ । তমাহুতং নশীমহি ॥২॥

57.3

মনো ন্বা হুবামহে নারাশংসেন সোমেন । পিতৄণাং চ মন্মভিঃ ॥৩॥

57.4

আ ত এতু মনঃ পুনঃ ক্রত্বে দক্ষায় জীবসে । জ্যোক্চ সূর্যং দৃশে ॥৪॥

57.5

পুনর্নঃ পিতরো মনো দদাতু দৈব্যো জনঃ । জীবং ব্রাতং সচেমহি ॥৫॥

57.6

বয়ং সোম ব্রতে তব মনস্তনূষু বিভ্রতঃ । প্রজাবন্তঃ সচেমহি ॥৬॥