সূক্ত 54

54.1

৬ বৃহদুক্থো বামদেব্যঃ। ইন্দ্রঃ। ত্রিষ্টুপ্।

তাং সু তে কীর্তিং মঘবন্মহিত্বা যত্ত্বা ভীতে রোদসী অহ্বয়েতাম্ ।
প্রাবো দেবাঁ আতিরো দাসমোজঃ প্রজায়ৈ ত্বস্যৈ যদশিক্ষ ইন্দ্র ॥১॥

54.2

যদচরস্তন্বা বাবৃধানো বলানীন্দ্র প্রব্রুবাণো জনেষু ।
মায়েত্সা তে যানি যুদ্ধান্যাহুর্নাদ্য শত্রুং ননু পুরা বিবিত্সে ॥২॥

54.3

ক উ নু তে মহিমনঃ সমস্যাঽস্মত্পূর্ব ঋষয়োঽন্তমাপুঃ ।
যন্মাতরং চ পিতরং চ সাকমজনয়থাস্তন্ব১ঃ স্বায়াঃ ॥৩॥

54.4

চত্বারি তে অসুর্যাণি নামাঽদাভ্যানি মহিষস্য সন্তি ।
ত্বমঙ্গ তানি বিশ্বানি বিত্সে যেভিঃ কর্মাণি মঘবঞ্চকর্থ ॥৪॥

54.5

ত্বং বিশ্বা দধিষে কেবলানি যান্যাবির্যা চ গুহা বসূনি ।
কামমিন্মে মঘবন্মা বি তারীস্ত্বমাজ্ঞাতা ত্বমিন্দ্রাসি দাতা ॥৫॥

54.6

যো অদধাজ্জ্যোতিষি জ্যোতিরন্তর্যো অসৃজন্মধুনা সং মধূনি ।
অধ প্রিয়ং শূষমিন্দ্রায় মন্ম ব্রহ্মকৃতো বৃহদুক্থাদবাচি ॥৬॥