সূক্ত 33

33.1

৯কবষ ঐলূষঃ। ১ বিশ্বেদেবাঃ, ২-৩ ইন্দ্রঃ, ৪-৫ কুরুশ্রবণস্ত্রাসদস্যবঃ, ৬-৯ উপমশ্রবা মৈত্রাতিথিঃ। ১ ত্রিষ্টুপ্ , প্রগাথঃ = ( ২ বৃহতী, ৩ সতোবৃহতী ),৪-৯ গায়ত্রী ।

প্র মা যুয়ুজ্রে প্রয়ুজো জনানাং বহামি স্ম পূষণমন্তরেণ ।
বিশ্বে দেবাসো অধ মামরক্ষন্দুঃশাসুরাগাদিতি ঘোষ আসীৎ ॥১॥

33.2

সং মা তপন্ত্যভিতঃ সপত্নীরিব পর্শবঃ । নি বাধতে অমতির্নগ্নতা জসুর্বের্ন বেবীয়তে মতিঃ ॥২॥

33.3

মূষো ন শিশ্না ব্যদন্তি মাধ্য স্তোতারং তে শতক্রতো । সকৃত্সু নো মঘবন্নিন্দ্র মৃলয়াঽধা পিতেব নো ভব ॥৩॥

33.4

কুরুশ্রবণমাবৃণি রাজানং ত্রাসদস্যবম্ । মংহিষ্ঠং বাঘতামৃষিঃ ॥৪॥

33.5

যস্য মা হরিতো রথে তিস্রো বহন্তি সাধুয়া । স্তবৈ সহস্রদক্ষিণে ॥৫॥

33.6

যস্য প্রস্বাদসো গির উপমশ্রবসঃ পিতুঃ । ক্ষেত্রং ন রণ্বমূচুষে ॥৬॥

33.7

অধি পুত্রোপমশ্রবো নপান্মিত্রাতিথেরিহি । পিতুষ্টে অস্মি বন্দিতা ॥৭॥

33.8

যদীশীয়ামৃতানামুত বা মর্ত্যানাম্ । জীবেদিন্মঘবা মম ॥৮॥

33.9

ন দেবানামতি ব্রতং শতাত্মা চন জীবতি । তথা যুজা বি বাবৃতে ॥৯॥