সূক্ত 174

174.1

৫ অভীবর্ত আংগিরসঃ। রাজা। অনুষ্টুপ্।

অভীবর্তেন হবিষা যেনেন্দ্রো অভিবাবৃতে । তেনাস্মান্ব্রহ্মণস্পতেঽভি রাষ্ট্রায় বর্তয় ॥১॥

174.2

অভিবৃত্য সপত্নানভি যা নো অরাতয়ঃ । অভি পৃতন্যন্তং তিষ্ঠাঽভি যো ন ইরস্যতি ॥২॥

174.3

অভি ত্বা দেবঃ সবিতাঽভি সোমো অবীবৃতৎ । অভি ত্বা বিশ্বা ভূতান্যভীবর্তো যথাসসি ॥৩॥

174.4

যেনেন্দ্রো হবিষা কৃত্ব্যভবদ্দ্যুম্ন্যুত্তমঃ । ইদং তদক্রি দেবা অসপত্নঃ কিলাভুবম্ ॥৪॥

174.5

অসপত্নঃ সপত্নহাঽভিরাষ্ট্রো বিষাসহিঃ । যথাহমেষাং ভূতানাং বিরাজানি জনস্য চ ॥৫॥