সূক্ত 173

173.1

৬ ধ্রুব আংগিরসঃ। রাজা। অনুষ্টুপ্।

আ ত্বাহার্ষমন্তরেধি ধ্রুবস্তিষ্ঠাবিচাচলিঃ । বিশস্ত্বা সর্বা বাঞ্ছন্তু মা ত্বদ্রাষ্ট্রমধি ভ্রশৎ ॥১॥

173.2

ইহৈবৈধি মাপ চ্যোষ্ঠাঃ পর্বত ইবাবিচাচলিঃ । ইন্দ্র ইবেহ ধ্রুবস্তিষ্ঠেহ রাষ্ট্রমু ধারয় ॥২॥

173.3

ইমমিন্দ্রো অদীধরদ্ধ্রুবং ধ্রুবেণ হবিষা । তস্মৈ সোমো অধি ব্রবত্তস্মা উ ব্রহ্মণস্পতিঃ ॥৩॥

173.4

ধ্রুবা দ্যৌর্ধ্রুবা পৃথিবী ধ্রুবাসঃ পর্বতা ইমে । ধ্রুবং বিশ্বমিদং জগদ্ধ্রুবো রাজা বিশাময়ম্ ॥৪॥

173.5

ধ্রুবং তে রাজা বরুণো ধ্রুবং দেবো বৃহস্পতিঃ । ধ্রুবং ত ইন্দ্রশ্চাগ্নিশ্চ রাষ্ট্রং ধারয়তাং ধ্রুবম্ ॥৫॥

173.6

ধ্রুবং ধ্রুবেণ হবিষাঽভি সোমং মৃশামসি । অথো ত ইন্দ্রঃ কেবলীর্বিশো বলিহৃতস্করৎ ॥৬॥