সূক্ত 163

163.1

৬ বিবৃহা কাশ্যপঃ। যক্ষ্মনাশনম্। অনুষ্টুপ্।

অক্ষীভ্যাং তে নাসিকাভ্যাং কর্ণাভ্যাং ছুবুকাদধি । যক্ষ্মং শীর্ষণ্যং মস্তিষ্কাজ্জিহ্বায়া বি বৃহামি তে ॥১॥

গ্রীবাভ্যস্ত উষ্ণিহাভ্যঃ কীকসাভ্যো অনূক্যাৎ । যক্ষ্মং দোষণ্য১মংসাভ্যাং বাহুভ্যাং বি বৃহামি তে ॥২॥

আন্ত্রেভ্যস্তে গুদাভ্যো বনিষ্ঠোর্হৃদয়াদধি । যক্ষ্মং মতস্নাভ্যাং যক্নঃ প্লাশিভ্যো বি বৃহামি তে ॥৩॥

ঊরুভ্যাং তে অষ্ঠীবদ্ভ্যাং পার্ষ্ণিভ্যাং প্রপদাভ্যাম্ । যক্ষ্মং শ্রোণিভ্যাং ভাসদাদ্ভংসসো বি বৃহামি তে ॥৪॥

মেহনাদ্বনংকরণাল্লোমভ্যস্তে নখেভ্যঃ । যক্ষ্মং সর্বস্মাদাত্মনস্তমিদং বি বৃহামি তে ॥৫॥

অঙ্গাদঙ্গাল্লোম্নোলোম্নো জাতং পর্বণিপর্বণি । যক্ষ্মং সর্বস্মাদাত্মনস্তমিদং বি বৃহামি তে ॥৬॥