সূক্ত 16

16.1

১৪ দমনো যামায়নঃ। অগ্নিঃ। ত্রিষ্টুপ্,১১-১৪ অনুষ্টুপ্।

মৈনমগ্নে বি দহো মাভি শোচো মাস্য ত্বচং চিক্ষিপো মা শরীরম্ ।
যদা শৃতং কৃণবো জাতবেদোঽথেমেনং প্র হিণুতাত্পিতৃভ্যঃ ॥১॥

শৃতং যদা করসি জাতবেদোঽথেমেনং পরি দত্তাত্পিতৃভ্যঃ ।
যদা গচ্ছাত্যসুনীতিমেতামথা দেবানাং বশনীর্ভবাতি ॥২॥

সূর্যং চক্ষুর্গচ্ছতু বাতমাত্মা দ্যাং চ গচ্ছ পৃথিবীং চ ধর্মণা ।
অপো বা গচ্ছ যদি তত্র তে হিতমোষধীষু প্রতি তিষ্ঠা শরীরৈঃ ॥৩॥

অজো ভাগস্তপসা তং তপস্ব তং তে শোচিস্তপতু তং তে অর্চিঃ ।
যাস্তে শিবাস্তন্বো জাতবেদস্তাভির্বহৈনং সুকৃতামু লোকম্ ॥৪॥

অব সৃজ পুনরগ্নে পিতৃভ্যো যস্ত আহুতশ্চরতি স্বধাভিঃ ।
আয়ুর্বসান উপ বেতু শেষঃ সং গচ্ছতাং তন্বা জাতবেদঃ ॥৫॥

যত্তে কৃষ্ণঃ শকুন আতুতোদ পিপীলঃ সর্প উত বা শ্বাপদঃ ।
অগ্নিষ্টদ্বিশ্বাদগদং কৃণোতু সোমশ্চ যো ব্রাহ্মণাঁ আবিবেশ ॥৬॥

অগ্নের্বর্ম পরি গোভির্ব্যয়স্ব সং প্রোর্ণুষ্ব পীবসা মেদসা চ ।
নেত্ত্বা ধৃষ্ণুর্হরসা জর্হৃষাণো দধৃগ্বিধক্ষ্যন্পর্যঙ্খয়াতে ॥৭॥

ইমমগ্নে চমসং মা বি জিহ্বরঃ প্রিয়ো দেবানামুত সোম্যানাম্ ।
এষ যশ্চমসো দেবপানস্তস্মিন্দেবা অমৃতা মাদয়ন্তে ॥৮॥

ক্রব্যাদমগ্নিং প্র হিণোমি দূরং যমরাজ্ঞো গচ্ছতু রিপ্রবাহঃ ।
ইহৈবায়মিতরো জাতবেদা দেবেভ্যো হব্যং বহতু প্রজানন্ ॥৯॥

যো অগ্নিঃ ক্রব্যাত্প্রবিবেশ বো গৃহমিমং পশ্যন্নিতরং জাতবেদসম্ ।
তং হরামি পিতৃয়জ্ঞায় দেবং স ঘর্মমিন্বাত্পরমে সধস্থে ॥১০॥

যো অগ্নিঃ ক্রব্যবাহনঃ পিতৄন্যক্ষদৃতাবৃধঃ । প্রেদু হব্যানি বোচতি দেবেভ্যশ্চ পিতৃভ্য আ ॥১১॥

উশন্তস্ত্বা নি ধীমহ্যুশন্তঃ সমিধীমহি । উশন্নুশত আ বহ পিতৄন্হবিষে অত্তবে ॥১২॥

যং ত্বমগ্নে সমদহস্তমু নির্বাপয়া পুনঃ । কিয়াম্ব্বত্র রোহতু পাকদূর্বা ব্যল্কশা ॥১৩॥

শীতিকে শীতিকাবতি হ্লাদিকে হ্লাদিকাবতি । মণ্ডূক্যা৩ সু সং গম ইমং স্ব১গ্নিং হর্ষয় ॥১৪॥