সূক্ত 159

159.1

৬ পৌলোমী শচী। শচী (আত্মানং তুষ্টাব)। অনুষ্টুপ্।

উদসৌ সূর্যো অগাদুদয়ং মামকো ভগঃ । অহং তদ্বিদ্বলা পতিমভ্যসাক্ষি বিষাসহিঃ ॥১॥

159.2

অহং কেতুরহং মূর্ধাঽহমুগ্রা বিবাচনী । মমেদনু ক্রতুং পতিঃ সেহানায়া উপাচরেৎ ॥২॥

159.3

মম পুত্রাঃ শত্রুহণোঽথো মে দুহিতা বিরাট্ । উতাহমস্মি সংজয়া পত্যৌ মে শ্লোক উত্তমঃ ॥৩॥

159.4

যেনেন্দ্রো হবিষা কৃত্ব্যভবদ্দ্যুম্ন্যুত্তমঃ । ইদং তদক্রি দেবা অসপত্না কিলাভুবম্ ॥৪॥

159.5

অসপত্না সপত্নঘ্নী জয়ন্ত্যভিভূবরী । আবৃক্ষমন্যাসাং বর্চো রাধো অস্থেয়সামিব ॥৫॥

159.6

সমজৈষমিমা অহং সপত্নীরভিভূবরী । যথাহমস্য বীরস্য বিরাজানি জনস্য চ ॥৬॥