সূক্ত 154

154.1

৫ যমী বৈবস্বতী। ভাববৃত্তম্। অনুষ্টুপ্।

সোম একেভ্যঃ পবতে ঘৃতমেক উপাসতে । যেভ্যো মধু প্রধাবতি তাঁশ্চিদেবাপি গচ্ছতাৎ ॥১॥

154.2

তপসা যে অনাধৃষ্যাস্তপসা যে স্বর্যয়ুঃ । তপো যে চক্রিরে মহস্তাঁশ্চিদেবাপি গচ্ছতাৎ ॥২॥

154.3

যে যুধ্যন্তে প্রধনেষু শূরাসো যে তনূত্যজঃ । যে বা সহস্রদক্ষিণাস্তাঁশ্চিদেবাপি গচ্ছতাৎ ॥৩॥

154.4

যে চিত্পূর্ব ঋতসাপ ঋতাবান ঋতাবৃধঃ । পিতৄন্তপস্বতো যম তাঁশ্চিদেবাপি গচ্ছতাৎ ॥৪॥

154.5

সহস্রণীথাঃ কবয়ো যে গোপায়ন্তি সূর্যম্ । ঋষীন্তপস্বতো যম তপোজাঁ অপি গচ্ছতাৎ ॥৫॥