সূক্ত 143

143.1

৬ অত্রিঃ সাংখ্যঃ। অশ্বিনৌ। অনুষ্টুপ্।

ত্যং চিদত্রিমৃতজুরমর্থমশ্বং ন যাতবে । কক্ষীবন্তং যদী পুনা রথং ন কৃণুথো নবম্ ॥১॥

143.2

ত্যং চিদশ্বং ন বাজিনমরেণবো যমত্নত । দৃল্হং গ্রন্থিং ন বি ষ্যতমত্রিং যবিষ্ঠমা রজঃ ॥২॥

143.3

নরা দংসিষ্ঠাবত্রয়ে শুভ্রা সিষাসতং ধিয়ঃ । অথা হি বাং দিবো নরা পুন স্তোমো ন বিশসে ॥৩॥

143.4

চিতে তদ্বাং সুরাধসা রাতিঃ সুমতিরশ্বিনা । আ যন্নঃ সদনে পৃথৌ সমনে পর্ষথো নরা ॥৪॥

143.5

যুবং ভুজ্যুং সমুদ্র আ রজসঃ পার ঈঙ্খিতম্ । যাতমচ্ছা পতত্রিভির্নাসত্যা সাতয়ে কৃতম্ ॥৫॥

143.6

আ বাং সুম্নৈঃ শংয়ূ ইব মংহিষ্ঠা বিশ্ববেদসা । সমস্মে ভূষতং নরোত্সং ন পিপ্যুষীরিষঃ ॥৬॥