সূক্ত 104

104.1

১১ অষ্টকো বৈশ্বামিত্রঃ। ইন্দ্রঃ। ত্রিষ্টুপ্।

অসাবি সোমঃ পুরুহূত তুভ্যং হরিভ্যাং যজ্ঞমুপ যাহি তূয়ম্ ।
তুভ্যং গিরো বিপ্রবীরা ইয়ানা দধন্বির ইন্দ্র পিবা সুতস্য ॥১॥

104.2

অপ্সু ধূতস্য হরিবঃ পিবেহ নৃভিঃ সুতস্য জঠরং পৃণস্ব ।
মিমিক্ষুর্যমদ্রয় ইন্দ্র তুভ্যং তেভির্বর্ধস্ব মদমুক্থবাহঃ ॥২॥

104.3

প্রোগ্রাং পীতিং বৃষ্ণ ইয়র্মি সত্যাং প্রয়ৈ সুতস্য হর্যশ্ব তুভ্যম্ ।
ইন্দ্র ধেনাভিরিহ মাদয়স্ব ধীভির্বিশ্বাভিঃ শচ্যা গৃণানঃ ॥৩॥

104.4

ঊতী শচীবস্তব বীর্যেণ বয়ো দধানা উশিজ ঋতজ্ঞাঃ ।
প্রজাবদিন্দ্র মনুষো দুরোণে তস্থুর্গৃণন্তঃ সধমাদ্যাসঃ ॥৪॥

104.5

প্রণীতিভিষ্টে হর্যশ্ব সুষ্টোঃ সুষুম্নস্য পুরুরুচো জনাসঃ ।
মংহিষ্ঠামূতিং বিতিরে দধানা স্তোতার ইন্দ্র তব সূনৃতাভিঃ ॥৫॥

104.6

উপ ব্রহ্মাণি হরিবো হরিভ্যাং সোমস্য যাহি পীতয়ে সুতস্য ।
ইন্দ্র ত্বা যজ্ঞঃ ক্ষমমাণমানড্দাশ্বাঁ অস্যধ্বরস্য প্রকেতঃ ॥৬॥

104.7

সহস্রবাজমভিমাতিষাহং সুতেরণং মঘবানং সুবৃক্তিম্ ।
উপ ভূষন্তি গিরো অপ্রতীতমিন্দ্রং নমস্যা জরিতুঃ পনন্ত ॥৭॥

104.8

সপ্তাপো দেবীঃ সুরণা অমৃক্তা যাভিঃ সিন্ধুমতর ইন্দ্র পূর্ভিৎ ।
নবতিং স্রোত্যা নব চ স্রবন্তীর্দেবেভ্যো গাতুং মনুষে চ বিন্দঃ ॥৮॥

104.9

অপো মহীরভিশস্তেরমুঞ্চোঽজাগরাস্বধি দেব একঃ ।
ইন্দ্র যাস্ত্বং বৃত্রতূর্যে চকর্থ তাভির্বিশ্বায়ুস্তন্বং পুপুষ্যাঃ ॥৯॥

104.10

বীরেণ্যঃ ক্রতুরিন্দ্রঃ সুশস্তিরুতাপি ধেনা পুরুহূতমীট্টে ।
আর্দয়দ্বৃত্রমকৃণোদু লোকং সসাহে শক্রঃ পৃতনা অভিষ্টিঃ ॥১০॥

104.11

শুনং হুবেম মঘবানমিন্দ্রমস্মিন্ভরে নৃতমং বাজসাতৌ ।
শৃণ্বন্তমুগ্রমূতয়ে সমত্সু ঘ্নন্তং বৃত্রাণি সংজিতং ধনানাম্ ॥১১॥