সূক্ত 8

8.1

১০ মধুচ্ছন্দা বৈশ্বামিত্রঃ। ইন্দ্রঃ। গায়ত্রী।

এন্দ্র সানসিং রয়িং সজিত্বানং সদাসহম্। বর্ষিষ্ঠমূতয়ে ভর ॥১॥

নি যেন মুষ্টিহত্যয়া নি বৃত্রা রুণধামহৈ। ত্বোতাসো ন্যর্বতা ॥২॥

ইন্দ্র ত্বোতাস আ বয়ং বজ্রং ঘনা দদীমহি। জয়েম সং যুধি স্পৃধঃ ॥৩॥

বয়ং শূরেভিরস্তৃভিরিন্দ্র ত্বয়া যুজা বয়ম্। সাসহ্যাম পৃতন্যতঃ ॥৪॥

মহাঁ ইন্দ্রঃ পরশ্চ নু মহিত্বমস্তু বজ্রিণে। দ্যৌর্ন প্রথিনা শবঃ ॥৫॥

সমোহে বা য আশত নরস্তোকস্য সনিতৌ। বিপ্রাসো বা ধিয়ায়বঃ ॥৬॥

যঃ কুক্ষিঃ সোমপাতমঃ সমুদ্র ইব পিন্বতে। উর্বীরাপো ন কাকুদঃ ॥৭॥

এবা হ্যস্য সূনৃতা বিরপ্শী গোমতী মহী। পক্বা শাখা ন দাশুষে ॥৮॥

এবা হি তে বিভূতয় ঊতয় ইন্দ্র মাবতে। সদ্যশ্চিৎ সন্তি দাশুষে ॥৯॥

এবা হ্যস্য কাম্যা স্তোম উক্থং চ শংস্যা। ইন্দ্রায় সোমপীতয়ে ॥১০॥