সূক্ত 7

7.1

১০ মধুচ্ছন্দা বৈশ্বামিত্রঃ। ইন্দ্রঃ। গায়ত্রী।

ইন্দ্রমিদ্গাথিনো বৃহদিন্দ্রমর্কেভিরর্কিণঃ। ইন্দ্রং বাণীরনূষত ॥১॥

7.2

ইন্দ্র ইদ্ধর্যোঃ সচা সংমিশ্ল আ বচোয়ুজা। ইন্দ্রো বজ্রী হিরণ্যয়ঃ ॥২॥

7.3

ইন্দ্রো দীর্ঘায় চক্ষস আ সূর্যং রোহয়দ্ দিবি। বি গোভিরদ্রিমৈরয়ৎ ॥৩॥

7.4

ইন্দ্র বাজেষু নোঽব সহস্রপ্রধনেষু চ। উগ্র উগ্রাভিরূতিভিঃ ॥৪॥

7.5

ইন্দ্রং বয়ং মহাধন ইন্দ্রমর্ভে হবামহে। যুজং বৃত্রেষু বজ্রিণম্ ॥৫॥

7.6

স নো বৃষন্নমুং চরুং সত্রাদাবন্নপা বৃধি। অস্মভ্যমপ্রতিষ্কুতঃ ॥৬॥

7.7

তুঞ্জেতুঞ্জে য উত্তরে স্তোমা ইন্দ্রস্য বজ্রিণঃ। ন বিন্ধে অস্য সুষ্টুতিম্ ॥৭॥

7.8

বৃষা যূথেব বংসগঃ কৃষ্টীরিয়র্ত্যোজসা। ঈশানো অপ্রতিষ্কুতঃ ॥৮॥

7.9

য একশ্চর্ষণীনাং বসূনামিরজ্যতি। ইন্দ্রঃ পঞ্চ ক্ষিতীনাম্ ॥৯॥

7.10

ইন্দ্রং বো বিশ্বতস্পরি হবামহে জনেভ্যঃ। অস্মাকমস্তু কেবলঃ ॥১০॥