সূক্ত 79

79.1

১২ গোতমো রাহূগণঃ। ১-৩অগ্নিঃ মধ্যমোঽ গ্নির্বা, ৪-১২ অগ্নিঃ। ১-৩ ত্রিষ্টুপ্, ৪-৬ উষ্ণিক্, ৭-১২ গায়ত্রী ।

হিরণ্যকেশো রজসো বিসারে ঽহির্ধুনির্বাত ইব ধ্রজীমান্ ।
শুচিভ্রাজা উষসো নবেদা যশস্বতীরপস্যুবো ন সত্যাঃ ॥১॥

আ তে সুপর্ণা অমিনন্তঁ এবৈঃ কৃষ্ণো নোনাব বৃষভো যদীদম্ ।
শিবাভির্ন স্ময়মানাভিরাগাৎ পতন্তি মিহঃ স্তনয়ন্ত্যভ্রা ॥২॥

যদীমৃতস্য পয়সা পিয়ানো নয়ন্নৃতস্য পথিভী রজিষ্ঠৈঃ ।
অর্যমা মিত্রো বরুণঃ পরিজ্মা ত্বচং পৃঞ্চন্ত্যুপরস্য যোনৌ ॥৩॥

অগ্নে বাজস্য গোমত ঈশানঃ সহসো যহো । অস্মে ধেহি জাতবেদো মহি শ্রবঃ ॥৪॥

স ইধানো বসুষ্কবিরগ্নিরীলেন্যো গিরা । রেবদস্মভ্যং পুর্বণীক দীদিহি ॥৫॥

ক্ষপো রাজন্নুত ত্মনাগ্নে বস্তোরুতোষসঃ । স তিগ্মজম্ভ রক্ষসো দহ প্রতি ॥৬॥

অবা নো অগ্ন ঊতিভির্গায়ত্রস্য প্রভর্মণি । বিশ্বাসু ধীষু বন্দ্য ॥৭॥

আ নো অগ্নে রয়িং ভর সত্রাসাহং বরেণ্যম্ । বিশ্বাসু পৃত্সু দুষ্টরম্ ॥৮॥

আ নো অগ্নে সুচেতুনা রয়িং বিশ্বায়ুপোষসম্ । মার্ডীকং ধেহি জীবসে ॥৯॥

প্র পূতাস্তিগ্মশোচিষে বাচো গোতমাগ্নয়ে । ভরস্ব সুম্নয়ুর্গিরঃ ॥১০॥

যো নো অগ্নেঽভিদাসত্যন্তি দূরে পদীষ্ট সঃ । অস্মাকমিদ্ বৃধে ভব ॥১১॥

সহস্রাক্ষো বিচর্ষণিরগ্নী রক্ষাংসি সেধতি । হোতা গৃণীত উক্থ্যঃ ॥১২॥