সূক্ত 60

60.1

৫ নোধা গৌতমঃ। অগ্নিঃ।ত্রিষ্টুপ্।

বহ্নিং যশসং বিদথস্য কেতুং সুপ্রাব্যং দূতং সদ্যোঅর্থম্ ।
দ্বিজন্মানং রয়িমিব প্রশস্তং রাতিং ভরদ্ ভৃগবে মাতরিশ্বা ॥১॥

60.2

অস্য শাসুরুভয়াসঃ সচন্তে হবিষ্মন্ত উশিজো যে চ মর্তাঃ ।
দিবশ্চিৎ পূর্বো ন্যসাদি হোতা ঽঽপৃচ্ছ্যো বিশ্পতির্বিক্ষু বেধাঃ ॥২॥

60.3

তং নব্যসী হৃদ আ জায়মানমস্মৎ সুকীর্তির্মধুজিহ্বমশ্যাঃ ।
যমৃত্বিজো বৃজনে মানুষাসঃ প্রয়স্বন্ত আয়বো জীজনন্ত ॥৩॥

60.4

উশিক্ পাবকো বসুর্মানুষেষু বরেণ্যো হোতাধায়ি বিক্ষু ।
দমূনা গৃহপতির্দম আঁ অগ্নির্ভুবদ্ রয়িপতী রয়ীণাম্ ॥৪॥

60.5

তং ত্বা বয়ং পতিমগ্নে রয়ীণাং প্র শংসামো মতিভির্গোতমাসঃ ।
আশুং ন বাজম্ভরং মর্জয়ন্তঃ প্রাতর্মক্ষূ ধিয়াবসুর্জগম্যাৎ ॥৫॥