সূক্ত 109

109.1

৮ কুত্স আঙ্গিরসঃ। ইন্দ্রাগ্নী। ত্রিষ্টুপ্।

বি হ্যখ্যং মনসা বস্য ইচ্ছন্নিন্দ্রাগ্নী জ্ঞাস উত বা সজাতান্ ।
নান্যা যুবৎ প্রমতিরস্তি মহ্যং স বাং ধিয়ং বাজয়ন্তীমতক্ষম্ ॥১॥

109.2

অশ্রবং হি ভূরিদাবত্তরা বাং বিজামাতুরুত বা ঘা স্যালাৎ ।
অথা সোমস্য প্রয়তী যুবভ্যামিন্দ্রাগ্নী স্তোমং জনয়ামি নব্যম্ ॥২॥

109.3

মা চ্ছেদ্ম রশ্মীঁরিতি নাধমানাঃ পিতৄণাং শক্তীরনুয়চ্ছমানাঃ ।
ইন্দ্রাগ্নিভ্যাং কং বৃষণো মদন্তি তা হ্যদ্রী ধিষণায়া উপস্থে ॥৩॥

109.4

যুবাভ্যাং দেবী ধিষণা মদায়েন্দ্রাগ্নী সোমমুশতী সুনোতি ।
তাবশ্বিনা ভদ্রহস্তা সুপাণী আ ধাবতং মধুনা পৃঙ্ক্তমপ্সু ॥৪॥

109.5

যুবামিন্দ্রাগ্নী বসুনো বিভাগে তবস্তমা শুশ্রব বৃত্রহত্যে ।
তাবাসদ্যা বর্হিষি যজ্ঞে অস্মিন্ প্র চর্ষণী মাদয়েথাং সুতস্য ॥৫॥

109.6

প্র চর্ষণিভ্যঃ পৃতনাহবেষু প্র পৃথিব্যা রিরিচাথে দিবশ্চ ।
প্র সিন্ধুভ্যঃ প্র গিরিভ্যো মহিত্বা প্রেন্দ্রাগ্নী বিশ্বা ভুবনাত্যন্যা ॥৬॥

109.7

আ ভরতং শিক্ষতং বজ্রবাহূ অস্মাঁ ইন্দ্রাগ্নী অবতং শচীভিঃ ।
ইমে নু তে রশ্ময়ঃ সূর্যস্য যেভিঃ সপিত্বং পিতরো ন আসন্ ॥৭॥

109.8

পুরংদরা শিক্ষতং বজ্রহস্তাস্মাঁ ইন্দ্রাগ্নী অবতং ভরেষু ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥৮॥