মহাভারত 329.5

তস্যেদানীং তমঃসংভবস্য পুরুষস্য পদ্ময়োনের্ব্রহ্মণঃ প্রাদুর্ভাবে স পুরুষঃ প্রজাঃ সিসৃক্ষমাণো নেত্রাভ্যামগ্নীষোমৌ সসর্জ
ততো ভূতসর্গে প্রবৃত্তে প্রজাক্রমবশাদ্ব্রহ্মক্ষত্রমুপাতিষ্ঠৎ
যঃ সোমস্তদ্ব্রহ্ম যদ্ব্রহ্ম তে ব্রাহ্মণাঃ
যোঽগ্নিস্তত্ক্ষত্রং ক্ষত্রাদ্ব্রহ্ম বলবত্তরম্
কস্মাদিতি লোকপ্রত্যক্ষগুণমেতত্তদ্যথা
ব্রাহ্মণেভ্যঃ পরং ভূতং নোত্পন্নপূর্বম্
দীপ্যমানেঽগ্নৌ জুহোতীতি কৃত্বা ব্রবীমি
ভূতসর্গঃ কৃতো ব্রহ্মণা ভূতানি চ প্রতিষ্ঠাপ্য ত্রৈলোক্যং ধার্যত ইতি

সম্পূর্ণ অধ্যায়