সূক্ত 8

8.1

যক্ষ্মনিবারণম্। ১-২২ ভৃগ্বঙ্গিরাঃ। সর্বশীর্ষাময়াদ্যপাকরণম্। অনুষ্টুপ্, ১২ অনুষ্টুব্গর্ভা ককুম্মতী চতুষ্পদোষ্ণিক্, ১৫ বিরাডনুষ্টুপ্, ২১ বিরাট্ পথ্যাবৃহতী, ২২ পথ্যাপঙ্ক্তিঃ।

শীর্ষক্তিং শীর্ষাময়ং কর্ণশূলং বিলোহিতম্।
সর্বং শীর্ষণ্যংঽ তে রোগং বহির্নির্মন্ত্রয়ামহে ॥১॥

8.2

কর্ণাভ্যাং তে কঙ্কূষেভ্যঃ কর্ণশূলং বিসল্পকম্।
সর্বং শীর্ষণ্যংঽ তে রোগং বহির্নির্মন্ত্রয়ামহে ॥২॥

8.3

যস্য হেতোঃ প্রচ্যবতে যক্ষ্মঃ কর্ণত আস্যতঃ ।
সর্বং শীর্ষণ্যংঽ তে রোগং বহির্নির্মন্ত্রয়ামহে ॥৩॥

8.4

যঃ কৃণোতি প্রমোতমন্ধং কৃণোতি পূরুষম্।
সর্বং শীর্ষণ্যংঽ তে রোগং বহির্নির্মন্ত্রয়ামহে ॥৪॥

8.5

অঙ্গভেদমঙ্গজ্বরং বিশ্বাঙ্গ্যংঽ বিসল্পকম্।
সর্বং শীর্ষণ্যংঽ তে রোগং বহির্নির্মন্ত্রয়ামহে ॥৫॥

8.6

যস্য ভীমঃ প্রতীকাশ উদ্বেপয়তি পূরুষম্।
তক্মানং বিশ্বশারদং বহির্নির্মন্ত্রয়ামহে ॥৬॥

8.7

য ঊরূ অনুসর্পত্যথো এতি গবীনিকে ।
যক্ষ্মং তে অন্তরঙ্গেভ্যো বহির্নির্মন্ত্রয়ামহে ॥৭॥

8.8

যদি কামাদপকামাদ্ধৃদয়াজ্জায়তে পরি ।
হৃদো বলাসমঙ্গেভ্যো বহির্নির্মন্ত্রয়ামহে ॥৮॥

8.9

হরিমাণং তে অঙ্গেভ্যোঽপ্বামন্তরোদরাৎ।
যক্ষ্মোধামন্তরাত্মনো বহির্নির্মন্ত্রয়ামহে ॥৯॥

8.10

আসো বলাসো ভবতু মূত্রং ভবত্বাময়ৎ।
যক্ষ্মাণাং সর্বেষাং বিষং নিরবোচমহং ত্বৎ ॥১০॥

8.11

বহির্বিলং নির্দ্রবতু কাহাবাহং তবোদরাৎ।
যক্ষ্মাণাং সর্বেষাং বিষং নিরবোচমহং ত্বৎ ॥১১॥

8.12

উদরাৎ তে ক্লোম্নো নাভ্যা হৃদয়াদধি ।
যক্ষ্মাণাং সর্বেষাং বিষং নিরবোচমহং ত্বৎ ॥১২॥

8.13

যাঃ সীমানং বিরুজন্তি মূর্ধানং প্রত্যর্ষনীঃ ।
অহিংসন্তীরনাময়া নির্দ্রবন্তু বহির্বিলম্ ॥১৩॥

8.14

যা হৃদয়মুপর্ষন্ত্যনুতন্বন্তি কীকসাঃ ।
অহিংসন্তীরনাময়া নির্দ্রবন্তু বহির্বিলম্ ॥১৪॥

8.15

যাঃ পার্শ্বে উপর্ষন্ত্যনুনিক্ষন্তি পৃষ্টীঃ ।
অহিংসন্তীরনাময়া নির্দ্রবন্তু বহির্বিলম্ ॥১৫॥

8.16

যাস্তিরশ্চীরুপর্ষন্ত্যর্ষণীর্বক্ষণাসু তে ।
অহিংসন্তীরনাময়া নির্দ্রবন্তু বহির্বিলম্ ॥১৬॥

8.17

যা গুদা অনুসর্পন্ত্যান্ত্রাণি মোহয়ন্তি চ ।
অহিংসন্তীরনাময়া নির্দ্রবন্তু বহির্বিলম্ ॥১৭॥

8.18

যা মজ্জ্ঞো নির্ধয়ন্তি পরূংষি বিরুজন্তি চ ।
অহিংসন্তীরনাময়া নির্দ্রবন্তু বহির্বিলম্ ॥১৮॥

8.19

যে অঙ্গানি মদয়ন্তি যক্ষ্মাসো রোপণাস্তব ।
যক্ষ্মাণাং সর্বেষাং বিষং নিরবোচমহং ত্বৎ ॥১৯॥

8.20

বিসল্পস্য বিদ্রধস্য বাতীকারস্য বালজেঃ ।
যক্ষ্মাণাং সর্বেষাং বিষং নিরবোচমহং ত্বৎ ॥২০॥

8.21

পাদাভ্যাং তে জানুভ্যাং শ্রোণিভ্যাং পরি ভংসসঃ ।
অনূকাদর্ষণীরুষ্ণিহাভ্যঃ শীর্ষ্ণো রোগমনীনশম্ ॥২১॥

8.22

সং তে শীর্ষ্ণঃ কপালানি হৃদয়স্য চ যো বিধুঃ ।
উদ্যন্নাদিত্য রশ্মিভিঃ শীর্ষ্ণো রোগমনীনশোঽঙ্গভেদমশীশমঃ ॥২২॥