সূক্ত 10

10.1

আত্মা। ১-২৮ ব্রহ্মা। গৌঃ, বিরাট্ অধ্যাত্মম্, ২৩ মিত্রাবরুণৌ। ত্রিষ্টুপ্, ১,৭,১৪,১৭-১৮ জগতী, ২১ পঞ্চপদাতিশক্বরী, ২৪ চতুষ্পদা পুরস্কৃতির্ভুরিগতিজগতী, ২, ২৬-২৭ ভুরিক্।

যদ্ গায়ত্রে অধি গায়ত্রমাহিতং ত্রৈষ্টুভং বা ত্রৈষ্টুভান্নিরতক্ষত ।
যদ্ বা জগজ্জগত্যাহিতং পদং য ইৎ তদ্ বিদুস্তে অমৃতত্বমানশুঃ ॥১॥

10.2

গায়ত্রেণ প্রতি মিমীতে অর্কমর্কেণ সাম ত্রৈষ্টুভেন বাকম্।
বাকেন বাকং দ্বিপদা চতুষ্পদাক্ষরেণ মিমতে সপ্ত বাণীঃ ॥২॥

10.3

জগতা সিন্ধুং দিব্যঽস্কভায়দ্ রথংতরে সূর্যং পর্যপশ্যৎ।
গায়ত্রস্য সমিধস্তিস্র আহুস্ততো মহ্না প্র রিরিচে মহিত্বা ॥৩॥

10.4

উপ হ্বয়ে সুদুঘাং ধেনুমেতাং সুহস্তো গোধুগুত দোহদেনাম্।
শ্রেষ্ঠং সবং সবিতা সাবিষন্নোঽভীঽদ্ধো ঘর্মস্তদু ষু প্র বোচৎ ॥৪॥

10.5

হিঙ্কৃণ্বতী বসুপত্নী বসূনাং বত্সমিচ্ছন্তী মনসাভ্যাগাৎ।
দুহামশ্বিভ্যাং পয়ো অঘ্ন্যেয়ং সা বর্ধতাং মহতে সৌভগায় ॥৫॥

10.6

গৌরমীমেদভি বত্সং মিষন্তং মূর্ধানং হিঙ্ঙকৃণোন্মাতবা উ ।
সৃক্বাণং ঘর্মমভি বাবশানা মিমাতি মায়ুং পয়তে পয়োভিঃ ॥৬॥

10.7

অয়ং স শিঙ্ক্তে যেন গৌরভিবৃতা মিমাতি মায়ুং ধ্বসনাবধি শ্রিতা।
সা চিত্তিভির্নি হি চকার মর্ত্যান্ বিদ্যুদ্ ভবন্তী প্রতি বব্রিমৌহত ॥৭॥

10.8

অনচ্ছয়ে তুরগাতু জীবমেজদ্ ধ্রুবং মধ্য আ পস্ত্যাঽনাম্।
জীবো মৃতস্য চরতি স্বধাভিরমর্ত্যো মর্ত্যেনা সয়োনিঃ ॥৮॥

10.9

বিধুং দদ্রাণং সলিলস্য পৃষ্ঠে যুবানং সন্তং পলিতো জগার ।
দেবস্য পশ্য কাব্যং মহিত্বাদ্য মমার স হ্যঃ সমান ॥৯॥

10.10

য ঈং চকার ন সো অস্য বেদ য ঈং দদর্শ হিরুগিন্নু তস্মাৎ।
স মাতুর্যোনা পরিবীতো অন্তর্বহুপ্রজা নিরৃতিরা বিবেশ ॥১০॥

10.11

অপশ্যং গোপামনিপদ্যমানমা চ পরা চ পথিভিশ্চরন্তম্।
সসধ্রীচীঃ স বিষূচীর্বসান আ বরীবর্তি ভুবনেষ্বন্তঃ ॥১১॥

10.12

দ্যৌর্নঃ পিতা জনিতা নাভিরত্র বন্ধুর্নো মাতা পৃথিবী মহীয়ম্।
উত্তানয়োশ্চম্বো৩র্যোনিরন্তরত্রা পিতা দুহিতুর্গর্ভমাধাৎ ॥১২॥

10.13

পৃচ্ছামি ত্বা পরমন্তং পৃথিব্যাঃ পৃচ্ছামি বৃষ্ণো অশ্বস্য রেতঃ ।
পৃচ্ছামি বিশ্বস্য ভুবনস্য নাভিং পৃচ্ছামি বাচঃ পরমং ব্যোঽম ॥১৩॥

10.14

ইয়ং বেদিঃ পরো অন্তঃ পৃথিব্যা অয়ং সোমো বৃষ্ণো অশ্বস্য রেতঃ ।
অয়ং যজ্ঞো বিশ্বস্য ভুবনস্য নাভির্ব্রহ্মায়ং বাচঃ পরমং ব্যোঽম ॥১৪॥

10.15

ন বি জানামি যদিবেদমস্মি নিণ্যঃ সংনদ্ধো মনসা চরামি ।
যদা মাগন্ প্রথমজা ঋতস্যাদিদ্ বাচো অশ্নুবে ভাগমস্যাঃ ॥১৫॥

10.16

অপাঙ্ প্রাঙেতি স্বধয়া গৃভীতোঽমর্ত্যো মর্ত্যেনা সয়োনিঃ ।
তা শশ্বন্তা বিষূচীনা বিয়ন্তা ন্য১ন্যং চিক্যুর্ন নি চিক্যুরন্যম্ ॥১৬॥

10.17

সপ্তার্ধগর্ভা ভুবনস্য রেতো বিষ্ণোস্তিষ্ঠন্তি প্রদিশা বিধর্মণি ।
তে ধীতিভির্মনসা তে বিপশ্চিতঃ পরিভুবঃ পরি ভবন্তি বিশ্বতঃ ॥১৭॥

10.18

ঋচো অক্ষরে পরমে ব্যোঽমন্ যস্মিন্ দেবা অধি বিশ্বে নিষেদুঃ ।
যস্তন্ন বেদ কিমৃচা করিষ্যতি য ইৎ তদ্ বিদুস্তে অমী সমাসতে ॥১৮॥

10.19

ঋচঃ পদং মাত্রয়া কল্পয়ন্তোঽর্ধর্চেন চাক্লৃপুর্বিশ্বমেজৎ।
ত্রিপাদ্ ব্রহ্ম পুরুরূপং বি তষ্ঠে তেন জীবন্তি প্রদিশশ্চতস্রঃ ॥১৯॥

10.20

সূয়বসাদ্ ভগবতী হি ভূয়া অধা বয়ং ভগবন্তঃ স্যাম ।
অদ্ধি তৃণমঘ্ন্যে বিশ্বদানীং পিব শুদ্ধমুদকমাচরন্তী ॥২০॥

10.21

গৌরিন্মিমায় সলিলানি তক্ষত্যেকপদী দ্বিপদী সা চতুষ্পদী ।
অষ্টাপদী নবপদী বভূবুষী সহস্রাক্ষরা ভুবনস্য পঙ্ক্তিস্তস্যাঃ সমুদ্রা অধি বি ক্ষরন্তি ॥২১॥

10.22

কৃষ্ণং নিয়ানং হরয়ঃ সুপর্ণা অপো বসানা দিবমুত্পতন্তি ।
তং আববৃত্রন্ত্সদনাদৃতস্যাদিদ্ ঘৃতেন পৃথিবীং ব্যূঽদুঃ ॥২২॥

10.23

অপাদেতি প্রথমা পদ্বতীনাং কস্তদ্ বাং মিত্রাবরুণা চিকেত ।
গর্ভো ভারং ভরত্যা চিদস্যা ঋতং পিপর্ত্যনৃতং নি পাতি ॥২৩॥

10.24

বিরাড্ বাগ্ বিরাট্ পৃথিবী বিরাডন্তরিক্ষং বিরাট্ প্রজাপতিঃ ।
বিরাণ্মৃত্যুঃ সাধ্যানামধিরাজো বভূব তস্য ভূতং ভব্যং বশে স মে ভূতং ভব্যং বশে কৃণোতু ॥২৪॥

10.25

শকময়ং ধূমমারাদপশ্যং বিষূবতা পর এনাবরেণ ।
উক্ষাণং পৃশ্নিমপচন্ত বীরাস্তানি ধর্মাণি প্রথমান্যাসন্ ॥২৫॥

10.26

ত্রয়ঃ কেশিন ঋতুথা বি চক্ষতে সংবত্সরে বপত এক এষাম্।
বিশ্বমন্যো অভিচষ্টে শচীভির্ধ্রাজিরেকস্য দদৃশে ন রূপম্ ॥২৬॥

10.27

চত্বারি বাক্ পরিমিতা পদানি তানি বিদুর্ব্রাহ্মণা যে মনীষিণঃ ।
গুহা ত্রীণি নিহিতা নেঙ্গয়ন্তি তুরীয়ং বাচো মনুষ্যাঽবদন্তি ॥২৭॥

10.28

ইন্দ্রং মিত্রং বরুণমগ্নিমাহুরথো দিব্যঃ স সুপর্ণো গরুত্মান্।
একং সদ্ বিপ্রা বহুধা বদন্ত্যগ্নিং যমং মাতরিশ্বানমাহুঃ ॥২৮॥